Skip to main content

ከተለያዩ ዩኒቨርሲቲዎች እና ኮሌጆች ተምሮ ተመርቀው ሥራ ላጡ ዜጎች በ50 ማህበር ተቀናጅተው በገጠር መንገድ ሥራ ላይ እንዲሰማሩ ማድረግ መቻሉን የሲዳማ ብ/ክ/መንግስት ሥራ እድል ፈጠራ፣ እንዱስትሪ ልማትና ኢንተርፕራይዝ ቢሮ ገለፀ።

 የቢሮው ኃላፊ አቶ ሠላሙ ቡላዶ ለተመረጡ ማህበራት የሥራ ገለጻ በሰጡበት ወቅት የክልሉ መንግስት ከተለያዩ ከፍተኛ ትምህርት ተቋሚ ትምህርታቸውን ተከታትለው የተመረቁ ዜጎች የሥራ እድል ለመፍጠር ከተለያዩ ተቋማት ጋር ተቀናጅተው በመስራት ላይ እንደሚገኝ ጠቁመው የሥራ እድል ሲፈጠር ህጉን በጠበቀና ፍትሃዊ በሆነ መንገድ ብቻ እንደሚሆን ተናግረዋል።

ማህበራቱን ማቀናጀት ሲጀምሩ 92 ማህበራት ልየታ የተደረገ ሲሆን ከነዚህ መካከል የተለያዩ ችግሮች ያለባቸውን በመረጃ ተደግፈው 20 ማህበራትን የለዩ ሲሆን የተቀሩት 72 ማህበራት ሥራ ለመፍጠር እቅድ መያዙን አውስተው የነዚህ ማህበራት አባላት በኢንጂነሪንግ ፣ በኮንስትራክሽን እና በኢኮኖሚክስ ትምህርት መስኮች የተመረቁ እንደሆነም አስረድተዋል።
አቶ ሰላሙ በተጨማሪ ሥራ እያላቸው በማህበራት ውስጥ በመቀናጀት ሌላ ጥቅም ለማግኘት በሞከሩ ግለሰቦችና በግብራበሮቻቸው ላይ ህጋዊ ኢርምጃ የሚወሰድ መሆኑን ጠቅሰው በመሠል ተግባር ላይ የሚሠማሩ ዜጎችን ሁሉም ህብረተሰብ ክፍል በመንግስት ጎን በመሆን መታገል እንደሚገባ ተናግረዋል።
በሥራ እድል ፈጠራ፣ እንዱስትሪ ልማትና ኢንተርፕራይዝ ቢሮ ምክትልና የገጠር ሥራ እድል ፈጠራ ዘርፍ ኃላፊ የሆኑት አቶ ከፍያለው ከበደ ከተለዩ ማህበራት መካከል 50 ለሚሆኑ ማህበራት በገጠር መንገድ ዘርፍ ተሰማርተው የሥራ እድል እንዲያገኙ የተደረገ ሲሆን ተለይተው የቀሩት በመንግስት ሥራ ላይ ተሠማርተው የነበሩ፤ ከዚህ በፊት በኮንስትራክሽን ፍቃድ የነበራቸው እና እየሠሩ ተጠቃሚ የሆኑ እንዲሁም በተለያዩ ወረዳዎችና ከተማ አስተዳደሮች የጽ/ቤት ኃላፊ የነበሩ በማህበር የተቀላቀሉ መገኘታቸውን ተናግረዋል።
እነዚህም ከ17 ወረዳዎችና ከተማ አስተዳደሮች በማጣራት ሂደት የተለዩ 59 የሚሆኑ ግለሰቦች ከዚህ በፊት በተለያዩ ሥራዎች ላይ የተሠማሩ ሲሆን ህጋዊ የሆኑት ደግሞ 300 ወጣቶች በዘርፉ በማህበር እንድቀናጁ ተደርገዋል ህጋዊ ሆኖ ለቀሩት 20 ማህበራትም የሥራ እድል ይፈጠራል ብለዋል አቶ ከፍያለው ከበደ።
መንገድና ትራንስፖርት ቢሮ ም/ኃላፊና የዩራፕ ዘርፍ ኃላፊ አቶ ደብሩ ጃጎ ክልሉ በቅርቡ የተደራጀ ቢሆንም ለአመቱ ከተመደበው በጀት መካከል 54% ለካፒታል ፕሮጀክቶች የተመደበ መሆኑን አስታውሰው በአሁኑ ጊዜ በቢሮው በኩል ለ50 ማህበራት ብቻ የሚሆን በጀት ብር እንዳላቸው ተናግረዋል።
ለዜጎች ሥራ እድል ለመፍጠር ቢሮው እስከ ታች ወርደው ሰርቷል ያሉት ኃላፊው በክልሉ የሚሠሩ የትኛውም ፕሮጀክት ለዜጎች ሥራ እድል የሚፈጥር እንደሚሆን ገልጸዋል።
በመጨረሻ ከ72 ማህበራት በዕጣ ለተለዩት 50 ማህበራት በተዘጋጀላቸው ሥራ እድል መሳተፍ ችለዋል ብለዋል።
ዘገባው የሲዳማ ብሄራዊ ክልላዊ መንግስት የኮሙኒኬሽን ጉዳዮች ቢሮ ነው፡፡
መጋቢት 23/2013 ዓ.ም







Comments

Popular posts from this blog

የሐዋሳ ሐይቅ ትሩፋት

የለበሰው ያደፈ ቁምጣና ሹራብ ከቅዝቃዜው አላዳነውም፡፡ ካፊያው ልብሱን አርሶታል፡፡ ሽው እያለ ከሐይቁ የሚነሳው ነፋስ የሚፈጥረው ቅዝቃዜ ያንቀጠቅጠዋል፡፡ የተጫማው ያረጀ ሲሊፐር እግሩን ከምንም አላዳነውም፡፡ በባዶ እግሩ የሚራመድ ያህል ጨቅይቷል፡፡ ተደባዳቢ ይመስል ፊቱ የተሞነጫጨረ ነው፡፡ ገና 12 ዓመቱ ቢሆንም፣ ቁመናው እንደ ትልቅ ሰው ግዙፍ ነው፡፡ የሚለብሰውን እንደ ልቡ ባያገኝም፣ የሚያስፈልገውን ነገር ለማሟላት ቤሳቢስቲን የሌላቸው ወላጆቹን አያስቸግርም፡፡ ከቤተሰቦቹ ጋር ከሚኖሩበት ታቦር ተራራ ጀርባ ወዳለው ሐዋሳ ሐይቅ ከወረደ እንኳንስ የራሱን የቤተሰቦቹንም የዕለት ጉርስ የሚሸፍንበት ገንዘብ አያጣም፡፡ የአስጎብኚነት ዕውቀት፣ ከሐይቁም ውስጥ ዓሳ የሚያጠምድበት መረብም ሆነ ፈቃድ የለውም፡፡ ሙሉቀን (ስሙ ተቀይሯል) እና ጓደኞቹ ሐይቁን ለመጎብኘት የሚሄዱ ጎብኚዎች በካሜራቸው ጥሩ ፎቶ እንዲያስቀሩ ድባቡን የማሳመር ሥራ ይሠራሉ፡፡ ካሜራውን ይዞ ቁጭ ብድግ እያለ ጥሩ ፎቶ ለማንሳት ጥረት የሚያደርግ ሲያዩ፣ ቆርጠው የያዙትን የዓሳ ሥጋ ይዘው ጠጋ ጠጋ ይላሉ፡፡ ቁርጥራጩን የዓሳ ሥጋ ምግብ ለሚቀሙት አባኮዳዎች ሻሞ ይላሉ፡፡ የተወረወረላቸውን ቀድመው ለመቅለብ አባኮዳዎቹ ክንፋቸውን እየመቱ ወደ ላይ ብድግ ይላሉ፡፡ የናሽናል ጆግሪፊ የፎቶግራፍ ባለሙያዎች ያነሱት ዓይነት ፎቶዎች ሳያስቡት ያነሳሉ፡፡ በሁኔታው ተደስተው ደጋግመው ድንቅ ፎቶዎችን ለመውሰድ ሲዘጋጁ እነ ሙሉቀንም አጀንዳቸውን ይፋ ማድረግ ይጀምራሉ፡፡ አቶ ዳዊት አብርሃም ‹‹አንዱን ዓሳ በአሥር ብር ገዝቼ ነው እንዲህ የማዘጋጀው፤›› በማለት በቅድሚያ  መረጃ ይሰጣሉ፡፡ ለቀጣዩ ዜና በዚህ መልኩ እንዲዘጋጁ ካደረጉ በኋላ፣ ሌሎች ሰዎች መቶም ሁለት መቶም ብር እንደሚሰጧቸው ቀለል

ፓርቲው ምርጫ ቦርድ ከተፅዕኖ ነፃ ሳይሆን የምርጫ ጊዜ ሰሌዳ ማውጣቱን ተቃወመ

የመንግሥት ስልጠና የምርጫ ቅስቀሳ አካል ነው ብሏል  የምርጫ ጊዜ ሰሌዳ ለምን ወጣ መባሉ ተገቢ አይደለም - ምርጫ ቦርድ ምርጫ ቦርድ ከኢህአዴግ ተፅዕኖ ሙሉ ለሙሉ ነፃ መሆኑ ሳይረጋገጥና የምርጫ አፈፃፀም ችግሮች ሳይወገዱ የምርጫ የጊዜ ሰሌዳ ለማወጅ መዘጋጀቱ ተገቢ አይደለም ሲል ፕ/ር በየነ ጴጥሮስ የሚመሩት ኢማዴ-ደህአፓ ተቃወመ፡፡ መንግስት፤ የዩኒቨርሲቲ መምህራንና ተማሪዎችን ጨምሮ ለተለያዩ የህብረተሰብ ክፍሎች እየሰጠ ያለው ስልጠና የምርጫ ቅስቀሳ አካል ነው ሲልም ፓርቲው ኮንኗል፡፡  የኢትዮጵያ ማህበረ ዴሞክራሲ ደቡብ ህዝቦች አንድነት ፓርቲ ሰሞኑን ለብሄራዊ ምርጫ ቦርድ ባስገባው ግልፅ ደብዳቤ፤ ያለፉት አገር አቀፍና የአካባቢ ምርጫዎች ከመካሄዳቸው በፊት በምርጫ ችግሮችና መፍትሄዎቻቸው ዙሪያ ኢህአዴግ ከተቃዋሚዎች ጋር የሚወያይበት መድረክ እንዲዘጋጅ በተደጋጋሚ ብንጠይቅም እስካሁን ከቦርዱ የተሰጠ ተግባራዊ ምላሽ የለም ብሏል፡፡  ሃገሪቱ “በአንድ አውራ ፓርቲ” ብቸኛ ቁጥጥር ስር መውደቋ አደገኛና አሳሳቢ ነው ያለው ፓርቲው፤ የመድብለ ፓርቲ ስርአት የመገንባት ተስፋችን ጨርሶ እንዳይከስም ቦርዱ ሃላፊነቱን መወጣት እንዳለበት አሳስቧል፡፡ ነፃና ፍትሃዊ ምርጫ የሚካሄድበትን ሁኔታ ለመፍጠር ገዥው ፓርቲና ሃቀኛ ተቃዋሚ ፓርቲዎች የሚወያዩበት መድረክ እንዲያመቻች በህግ ስልጣን የተሰጠው ምርጫ ቦርድ የገባውን ቃል በማጠፍ መድረኩን ሳያመቻች የምርጫ ጊዜ ሰሌዳ ማዘጋጀቱ ፋይዳ የለውም ብሏል - ፓርቲው፡፡  ገዥው ፓርቲ ኢህአዴግ በተሻሻለው የምርጫ ህግ፣ ለቦርዱ የተሰጠውን የፖለቲካ ፓርቲዎች የጋራ መድረክ የማስተባበር ስልጣን ለመቀማት ታማኝ ፓርቲዎችን በተቃዋሚ ስም አሰባስቦ “የፖለቲካ ፓርቲዎች የጋራ መድረክ” በመፍጠር የምርጫ ውድድር አሯሯጭ አሰልፏል ሲ

የ10ኛ እና የ12ኛ ክፍል ማለፊያ ነጥብ ውጤት ነገ ይፋ ይሆናል

አዲስ አበባ ፣ ነሃሴ 23 ፣ 2005 (ኤፍ ቢ ሲ) የ10ኛ ክፍል ማጠቃለያና የ12ኛ ክፍል መሰናዶ ማለፊያ ነጥብ ውጤትን ነገ ይፋ እንደሚያደርግ የትምህርት ሚኒስቴር አስታወቀ። የዩኒቨርስቲ መግቢያና ወደ መሰናዶ ማለፊያ ነጥብን ለመወሰን  ፥ የዩኒቨርስቲዎችን ቀጣይ የመቀበል አቅም ከግምት ውስጥ በማስገባት መወሰኑንም ነው ሚኒስቴሩ የገለጸው። በአጠቃላይ 548 ሺህ 138 ተማሪዎች የ10 ክፍል ማጠናቀቂያ ፈተናውን ወስደው 70 በመቶዎቹ 2 ነጥብ እና ካዛ በላይ ውጤት ሲያስመዘግቡ ፥ በተመሳሳይም የ12ኛ ክፍልን የዩኒቨርስቲ መግቢያ ፈተናን ከወሰዱት መካከል 70 በመቶ የሚሆኑት ተፈታኞች ከ350 ነጥብ በላይ ውጤት ማስመዝገባቸውን ቀደም ሲል  የሀገር አቀፍ የትምህርት ምዘናና የፈተናዎች ኤጀንሲ አስታውሷል ። በነገው እለትም የሁለቱም ፈተናዎች የመቁረጫ ውጤት ይፋ ይደረጋል ተብሏል።