Skip to main content

በሲዳማና ኦሮሚያ ክልል አጎራባች ወረዳዎች ተፈናቅለው የቆዩ 60 ሺህ ሰዎችን ለመመለስ ከስምምነት ላይ መደረሱ ተገለጸ


 ሃዋሳ፡- ከዛሬ ሶስት ዓመት በፊት ግጭት ተከስቶ ከኦሮሚያና ከሲዳማ ክልል የተፈናቀሉ 60 ሺህ ሰዎችን በተሰራው የማግባባት ስራ ወደየቀዬያቸው ለመመለስ ከስምምነት ላይ መደረሱን የሲዳማ ብሔራዊ ክልላዊ መንግስት ሰላምና ጸጥታ ቢሮ ኃላፊ አቶ አለማየሁ ጢሞቶስ ተናገሩ። ጥቅምት 15 ቀን 2013 ዓ.ም ደግሞ የሰላም ኮንፈረንስ ለማካሄድ መስማማታቸውንም አመለከቱ።

ከሁለቱም የተውጣጡ የጸጥታ አካላትና ጉዳዩ የሚመለከታቸው ትናንት በሃዋሳ ሮሪ ኢንተርናሽናል ሆቴል ከሰላም ጋር ተያይዞ የሰሯቸውን ስራዎች በማቅረብ ውይይት አካሂደዋል። ውይይቱ በተካሄደበት ወቅት የሲዳማ ክልል ሰላምና ጸጥታ ቢሮ ኃላፊ አቶ አለማየሁ በተለይ ለአዲስ ዘመን ጋዜጣ እንደተናገሩት፤ በኦሮሚያና ሲዳማ ክልል አጎራባች ወረዳዎች ከዛሬ ሶስት ዓመት በፊት ችግር ከተከሰተባቸው መካከል አንደኛው የሲራሮ እርሻ ልማት ድርጅት ሲሆን፣ ሁለተኛው ደግሞ በዛው አካባቢ የሚገኝ ከተማ ይገባኛል በሚል የተፈጠረው ነው። በዚህም ግጭት ሳቢያ ከኦሮሚያ ክልል 30 ሺህ፤ ከሲዳማ ክልልም 30 ሺህ ሰዎች ቢፈናቀሉም፤ በአሁኑ ወቅት በተደረሰው ስምምነት ሁሉም ወደየቀያቸው እንዲመለሱ ውሳኔ ላይ ተደርሷል።

ቀደም ሲል በሁለቱ ክልሎች ያሉ አጎራባች ቦታዎች ላይ የተከሰተውን ችግር ለመፍታት በኦሮሚያ ክልል እና በሲዳማ ክልል ጸጥታ ቢሮ ስምምነት የጋራ አቅድ አውጥተው እንደነበር አቶ አለማየሁ ጠቅሰው፤ የጋራ እቅዱ አጠቃላይ በኦሮሚያና በሲዳማ አካባቢ የሚኖሩ ግጭቶችን ከስር መሰረቱ ለመቅረፍና ዘላቂ ሰላም እንዲመጣ የሚያስችል መሆኑን ተናግረዋል።

እርሳቸው እንዳሉት፤ በተለይ በሲራሮ ዙሪያ ወረዳ ላይ የተፈጠረውን የተፈናቃዮችን ጉዳይ እስካሁን በተሰራ ስራ ሌላ ተጨማሪ ጉዳት እንዳይደርስ አስታግሰው

 ቆይተዋል። በአሁኑ ወቅት በደረሱበት ምዕራፍ 60 ሺ ተፈናቃዮችን ወደቤታቸው እንዲመለሱ ከስምምነት ደርሰዋል።

እንደ አቶ አለማየሁ ገለጻ፤ ይህን መርሃግብር ለማስፈጸም የሚያስችል የእርቀ ሰላም ኮንፈረንስ በጥቅምት 5 ቀን 2013 ዓ.ም ይደረጋል። ከጥቅምት 6 እስከ 13 ባለው ጊዜ ሁሉም ተፈናቃይ ወደየቀዬውና ቤቱ የሚመለስ ሲሆን፤ ጥቅምት 15 ደግሞ ከሁለቱም ክልሎች

 በተውጣጣ ሁኔታ የሁለቱም ክልል ርዕሰ መስተዳድር፣ ከሰላም ሚኒስቴር እና የሁለቱም ክልል አባ ገዳዎች በተገኙበት የሰላም ኮንፈረንስ የሚካሄድ ይሆናል።

በሁለቱ ክልሎች አጎራባች ቦታዎች የሚታዩ የጸጥታ ችግሮችን በተገቢው መንገድ ለመፍታት ወጥ አቋም ይዘው በመስራት ላይ እንደሆኑ አቶ አለማየሁ ገልጸው፤ ለዚህ ምክንያታቸው ደግሞ በሚፈጠሩ ግጭቶች ሳቢያ አፍራሽ ኃይሎች በዚያ ቦታ ሊደበቁ ስለሚችሉ ቀጣናውን

 የሰላም ለማድረግ በትጋት በመንቀሳቀስ ላይ መሆናቸውን አስረድተዋል።

በዕለቱ የስብሰባው ታዳሚዎች የሁለቱም ክልሎች የአጎራባች ወረዳዎች የጸጥታ ኃላፊዎች፣ የወረዳ አስተዳዳሪዎች፣ የፖሊስ አዛዦች፣ ጠቅላይ ዓቃቤ ህግ፣ የሁለቱም ክልል ጸጥታ ቢሮ ኃላፊዎች፣ የምዕራብ አርሲ ዞን አስተዳዳሪና ሌሎች ጉዳዩ የሚመለከታቸው አካላት መሆኑ ታውቋል።

አዲስ ዘመን ጥቅምት 4/2013

Comments

Popular posts from this blog

የሐዋሳ ሐይቅ ትሩፋት

የለበሰው ያደፈ ቁምጣና ሹራብ ከቅዝቃዜው አላዳነውም፡፡ ካፊያው ልብሱን አርሶታል፡፡ ሽው እያለ ከሐይቁ የሚነሳው ነፋስ የሚፈጥረው ቅዝቃዜ ያንቀጠቅጠዋል፡፡ የተጫማው ያረጀ ሲሊፐር እግሩን ከምንም አላዳነውም፡፡ በባዶ እግሩ የሚራመድ ያህል ጨቅይቷል፡፡ ተደባዳቢ ይመስል ፊቱ የተሞነጫጨረ ነው፡፡ ገና 12 ዓመቱ ቢሆንም፣ ቁመናው እንደ ትልቅ ሰው ግዙፍ ነው፡፡ የሚለብሰውን እንደ ልቡ ባያገኝም፣ የሚያስፈልገውን ነገር ለማሟላት ቤሳቢስቲን የሌላቸው ወላጆቹን አያስቸግርም፡፡ ከቤተሰቦቹ ጋር ከሚኖሩበት ታቦር ተራራ ጀርባ ወዳለው ሐዋሳ ሐይቅ ከወረደ እንኳንስ የራሱን የቤተሰቦቹንም የዕለት ጉርስ የሚሸፍንበት ገንዘብ አያጣም፡፡ የአስጎብኚነት ዕውቀት፣ ከሐይቁም ውስጥ ዓሳ የሚያጠምድበት መረብም ሆነ ፈቃድ የለውም፡፡ ሙሉቀን (ስሙ ተቀይሯል) እና ጓደኞቹ ሐይቁን ለመጎብኘት የሚሄዱ ጎብኚዎች በካሜራቸው ጥሩ ፎቶ እንዲያስቀሩ ድባቡን የማሳመር ሥራ ይሠራሉ፡፡ ካሜራውን ይዞ ቁጭ ብድግ እያለ ጥሩ ፎቶ ለማንሳት ጥረት የሚያደርግ ሲያዩ፣ ቆርጠው የያዙትን የዓሳ ሥጋ ይዘው ጠጋ ጠጋ ይላሉ፡፡ ቁርጥራጩን የዓሳ ሥጋ ምግብ ለሚቀሙት አባኮዳዎች ሻሞ ይላሉ፡፡ የተወረወረላቸውን ቀድመው ለመቅለብ አባኮዳዎቹ ክንፋቸውን እየመቱ ወደ ላይ ብድግ ይላሉ፡፡ የናሽናል ጆግሪፊ የፎቶግራፍ ባለሙያዎች ያነሱት ዓይነት ፎቶዎች ሳያስቡት ያነሳሉ፡፡ በሁኔታው ተደስተው ደጋግመው ድንቅ ፎቶዎችን ለመውሰድ ሲዘጋጁ እነ ሙሉቀንም አጀንዳቸውን ይፋ ማድረግ ይጀምራሉ፡፡ አቶ ዳዊት አብርሃም ‹‹አንዱን ዓሳ በአሥር ብር ገዝቼ ነው እንዲህ የማዘጋጀው፤›› በማለት በቅድሚያ  መረጃ ይሰጣሉ፡፡ ለቀጣዩ ዜና በዚህ መልኩ እንዲዘጋጁ ካደረጉ በኋላ፣ ሌሎች ሰዎች መቶም ሁለት መቶም ብር እንደሚሰጧቸው ቀለል

ፓርቲው ምርጫ ቦርድ ከተፅዕኖ ነፃ ሳይሆን የምርጫ ጊዜ ሰሌዳ ማውጣቱን ተቃወመ

የመንግሥት ስልጠና የምርጫ ቅስቀሳ አካል ነው ብሏል  የምርጫ ጊዜ ሰሌዳ ለምን ወጣ መባሉ ተገቢ አይደለም - ምርጫ ቦርድ ምርጫ ቦርድ ከኢህአዴግ ተፅዕኖ ሙሉ ለሙሉ ነፃ መሆኑ ሳይረጋገጥና የምርጫ አፈፃፀም ችግሮች ሳይወገዱ የምርጫ የጊዜ ሰሌዳ ለማወጅ መዘጋጀቱ ተገቢ አይደለም ሲል ፕ/ር በየነ ጴጥሮስ የሚመሩት ኢማዴ-ደህአፓ ተቃወመ፡፡ መንግስት፤ የዩኒቨርሲቲ መምህራንና ተማሪዎችን ጨምሮ ለተለያዩ የህብረተሰብ ክፍሎች እየሰጠ ያለው ስልጠና የምርጫ ቅስቀሳ አካል ነው ሲልም ፓርቲው ኮንኗል፡፡  የኢትዮጵያ ማህበረ ዴሞክራሲ ደቡብ ህዝቦች አንድነት ፓርቲ ሰሞኑን ለብሄራዊ ምርጫ ቦርድ ባስገባው ግልፅ ደብዳቤ፤ ያለፉት አገር አቀፍና የአካባቢ ምርጫዎች ከመካሄዳቸው በፊት በምርጫ ችግሮችና መፍትሄዎቻቸው ዙሪያ ኢህአዴግ ከተቃዋሚዎች ጋር የሚወያይበት መድረክ እንዲዘጋጅ በተደጋጋሚ ብንጠይቅም እስካሁን ከቦርዱ የተሰጠ ተግባራዊ ምላሽ የለም ብሏል፡፡  ሃገሪቱ “በአንድ አውራ ፓርቲ” ብቸኛ ቁጥጥር ስር መውደቋ አደገኛና አሳሳቢ ነው ያለው ፓርቲው፤ የመድብለ ፓርቲ ስርአት የመገንባት ተስፋችን ጨርሶ እንዳይከስም ቦርዱ ሃላፊነቱን መወጣት እንዳለበት አሳስቧል፡፡ ነፃና ፍትሃዊ ምርጫ የሚካሄድበትን ሁኔታ ለመፍጠር ገዥው ፓርቲና ሃቀኛ ተቃዋሚ ፓርቲዎች የሚወያዩበት መድረክ እንዲያመቻች በህግ ስልጣን የተሰጠው ምርጫ ቦርድ የገባውን ቃል በማጠፍ መድረኩን ሳያመቻች የምርጫ ጊዜ ሰሌዳ ማዘጋጀቱ ፋይዳ የለውም ብሏል - ፓርቲው፡፡  ገዥው ፓርቲ ኢህአዴግ በተሻሻለው የምርጫ ህግ፣ ለቦርዱ የተሰጠውን የፖለቲካ ፓርቲዎች የጋራ መድረክ የማስተባበር ስልጣን ለመቀማት ታማኝ ፓርቲዎችን በተቃዋሚ ስም አሰባስቦ “የፖለቲካ ፓርቲዎች የጋራ መድረክ” በመፍጠር የምርጫ ውድድር አሯሯጭ አሰልፏል ሲ

29 ህገ-ወጥ የጦር መሳሪያ የጫነ አንድ ተሸከርካሪ በቁጥጥር ስር ማዋሉን የሀዋሳ ከተማ አስተዳደር ፖሊስ መምሪያ ገልፀ

29 ህገ-ወጥ የጦር መሳሪያ የጫነ አንድ ተሸከርካሪ በቁጥጥር ስር ማዋሉን የሀዋሳ ከተማ አስተዳደር ፖሊስ መምሪያ ገልፀ፡፡ በጉዳዩ ዙሪያ የሀዋሳ ከተማ አስተዳደር ሰላምና ፀጥታ አስተዳደር መምሪያ ኃላፊ ኮለኔል ሮዳሞ ኪአ እንዲሁም ኮማንደር ኢዮብ አቤቶ የሐዋሳ ከተማ አስተዳደር ፖሊስ መምሪያ ኃላፊ ዛሬ ለጋዜጠኞች መግለጫ ሰጥተዋል፡፡ በዚህም መሰረት ትላንት ምሽት 5፡00 አካባቢ ኮድ 3/ 34480 አ.አ ታርጋ ቁጥር በለጠፈ አይሱዙ ኤፍ.ኤስ.አር ተሸከርካሪ 29 ህገ-ወጥ የጦር መሳሪያ በመኪናው ከፋብሪካ ውጭ በተሰራ በቀላሉ የማይገኝ ሚስጥራዊ ቦታ ተደብቆ ሲጓዝ በቁጥጥር ስር መዋሉን ገልፀዋል፡፡ ህገ-ወጥ የጦር መሳሪያውን ሲያጓጉዙ የነበሩት የመኪናው አሽከርካሪ፣ የህገ-ወጥ ጦር መሳሪያው ባለቤት እና የመኪናው እረዳት በቁጥጥር ስር መዋላቸውም ተገልጿል፡፡ ህገ ወጥ የጦር መሳሪያ ዝውውር መረጃው ከሳምንት በፊት አስቀድሞ በደረሰ ጥቆማ የታወቀ መሆኑ የተገለፀ ሲሆን ብቃት ያለቸውን የፖሊስ አመራሮች በመመደብ ጉዳዩ በሚስጥር ሲጣራ ቆይቶ ትላንት ምሽት በቁጥጥር ስር መዋሉ ነው የተገለፀው፡፡ የጦር መሳሪያው ከየት ተነስቶ ወደየት እንደሚሄድ ለምን ዓላማ ሊውል እንደተፈለገ ጭምር መረጃዎች መኖራቸው የተገለፀ ሲሆን ጉዳዩ በምርመራ ሂደት ላይ በመሆኑ ሳይገለፅ ቀርቷል፡፡ ከተማ አስተዳደሩ የፀጥታ ሀይሉን አቅም በማጠናከር እና ከህዝብ ጋር በመቀናጀት ማንኛውንም አይነት ህገ-ወጥ እንቅስቃሴ ለመቆጣጠር በቁርጠኝነት እየሰራ እንደሚገኝ የሀዋሳ ከተማ አስተዳደር ሰላምና ፀጥታ አስተዳደር መምሪያ ኃላፊ ኮሎኔል ሮዳሞ ኪአ ገልፀዋል፡፡ በዚህም የከተማዋ ሰላም እና የፀጥታ ሁኔታ ከጊዜ ወደ ጊዜ እየተሻሻለ እና እየተጠናከረ መምጣቱን ኮለኔል ሮዳሞ ገልፀው