የሀዋሳ ከተማ አስተዳደር ሰዎች በውሃ ሙላት ምክንያት እንዳይጎዱ እና እንዳይፈናቀሉ የተለያዩ ስራዎችን እያከናወነ መሆኑ ተገለጸ

የሀዋሳ ከተማ አስተዳደር ሰዎች በውሃ ሙላት ምክንያት እንዳይጎዱ እና እንዳይፈናቀሉ የተለያዩ ስራዎችን እያከናወነ መሆኑ ተገለጸ

ተፈጥሯዊ በሆነ ዝናብ ምክንያት በተለይም በሀዋሳ ሀይቅ ዙሪያ የሚኖሩ የህብረተሰብ ክፍሎች የጉዳቱ ሰለባ እንዳይሆኑ ከተማ አስተዳደሩ እያከናወነ ያለው ተግባር በጥናት የተደገፈ መሆኑን የገለጹት በከተማ ልማትና ኮንስትራክሽን መምሪያ ም/ሀላፊና የኮንስትራክሽን ባለስልጣን አቶ ወርቁ ቶማስ ናቸው።

አቶ ወርቁ ስጋት የሆኑ ቦታዎቾ ተለይተው ነባርና አዲስ የግድብ ስራ እየተከናወነ መሆኑን ገልጸዋል።

የግድቡ ስራ የሚሸፍናቸው ከአዲሱ ቤተመንግስት እስከ ፍቅር ሀይቅ፣ ከአሞራ ገደል እስከ ኖሬዥያን መኖሪያ፣ ከአድናቆሬ እስከ ቡሽሎ፣ ዋዮ እና ዳቱ እንደሚገነኙ ገልጸዋል።

እስከ አሁን ለሀይቁ ግድብ ስራ 830 መኪና ሬዳሽ፣ ድንጋይና ሰሌክት ለስራው የዋለ ሲሆን 8 ከባድ ማሽነሪዎችና 20 ሴኖትራክ መኪና በስራ ላይ መሳተፋቸውን ነው አቶ ወርቁ የገለጹት።

የሀይቁ ዳርቻ በተለያዩ ማህበራት የጋቢዮን ስራ እየተከናወነ ሲሆን ህብረተሰቡ ከከተማ አስተዳደሩ ጎን መቆም እንዳለትም አቶ ወርቁ ተናግረዋል።

ከተማ አስተዳደሩ የተጎዱትን የማዳንና በጊዛዊነት የማቋቋም ስራ እያከናወነ መሆኑንም አክለዋል።

ህብረተሰቡ ቅድመ ጥንቃቄ በማድረጉ ረገድም ትኩረት መስጠት እንዳለበት ነው አቶ ወርቁ መልእክት ያስተላለፉት።

©Hawassa City Administration Public Relations Office