Skip to main content

በ2013 በሲዳማ ክልል ከ92ሺ በላይ ለሚሆኑ ዜጎች የሥራ እድል ይፈጠራል፡፡


እንደ ሀገር ትልቅ ችግር የሆነው ሥራ አጥነት በአዲሱ የሲዳማ ክልልም ያለ ችግር መሆኑ ይታወቃል፡፡ ይህንን ችግር ለመቅረፍም የክልሉ መንግስት የሥራ እድል ፈጠራ ቢሮ አቋቁሞ ወደ ስራ ገብቶአል፡፡
ዛሬም ቢሮው ከፌደራል የሥራ እድል ኮሚሽን ጋር በክልሉ ያለውን ስራ አጥነትን መቅረፍ በሚቻልበት መንገድ ዙሪያ እየመከረ ይገኛል፡፡
መድረኩን በንግግር የከፈቱት የክልሉ ርዕሠ መስተዳዳር አቶ ደስታ ሌዳሞ የሥራ እድል ለዜጎች የመፍጠር ጉዳይ የሞት የሽረት ጉዳይ በመሆኑ ክልሉ በልዪ ትኩረት እንደሚሠራ ገልፀዋል፡፡
የወጣቱን ጉልበት ወደ ሀብት ለመቀየር በጥበብ መሥራት እንደሚያስፈልግም ርዕሰ መስተዳድሩ አሳስበዋል ፡፡
በመድረኩ በእንግድነት የተገኙት የፌዴራል የሥራ እድል ኮሚሽን ኮሚሽነር አቶ ንጉሡ ጥላሁን በበኩላቸው አዲሱ የሲዳማ ክልል ገና ጅማሮ ላይ ሆኖ የሥራ አጥነትን ለመቅረፍ ያደረጃው አደረጃጀት ቁመና እንጀራ ከምጣዱ ያስታውቃል እንደሚባለው ያማረ ነው ሲሉ አድናቆታቸውን ገልፀዋል፡፡
እንደ ሀገር በ2013 ለ3ሚሊየን ዜጎች የሥራ እድል ለመፍጠር ከታቀደው ውስጥ የሲዳማ ክልል 92ሺ ዘጠኝ መቶ አስራ አራት ለሚሆኑ ዜጎች ስራ እድል ለመፍጠር ያቀደውን ለማሳካት በቅንጅት እና በቁርጠኝነት ሊሠራ እንደሚገባ አቶ ንጉሡ አሳስበዋል፡፡
የሲዳማ ክልል ያለውን ሠፊ መሬት አጠቃቀሙን በማዘመን እና በማልማት እና ያሉትን በርካታ ተፈጥሮአዊ ሀብቶችን ወደ ሥራ በመቀየር በክልሉ ያለውን የሥራ አጥነት ለመቅረፍ እንደሚችልም በመድረኩ በቀረበው የውይይት ፅሁፍ ተጠቁሟል፡፡
በቀረበው መነሻ ፅሁፍ ላይ የክልሉ አመራሮች ሀሳብ እና አስተያየታቸውን እያቀረቡ ይገኛሉ፡፡በተለይም የሲዳማ ክልል አዲስ እንደመሆኑ ያሉትን ሀብቶች ተጠቅሞ የክልሉን ወጣቶች የሥራ እና የልማት ጥያቄን መመለስ ይችል ዘንድ የፌዴራል ሥራ እድል ፈጠራ ኮሚሽን ድጋፍ እንደሚያስፈልግ በስፋት እየተነሳ ይገኛል፡፡

SMN 22/01/2013 ዓ.ም ሀዋሳ

Comments

Popular posts from this blog

የሐዋሳ ሐይቅ ትሩፋት

የለበሰው ያደፈ ቁምጣና ሹራብ ከቅዝቃዜው አላዳነውም፡፡ ካፊያው ልብሱን አርሶታል፡፡ ሽው እያለ ከሐይቁ የሚነሳው ነፋስ የሚፈጥረው ቅዝቃዜ ያንቀጠቅጠዋል፡፡ የተጫማው ያረጀ ሲሊፐር እግሩን ከምንም አላዳነውም፡፡ በባዶ እግሩ የሚራመድ ያህል ጨቅይቷል፡፡ ተደባዳቢ ይመስል ፊቱ የተሞነጫጨረ ነው፡፡ ገና 12 ዓመቱ ቢሆንም፣ ቁመናው እንደ ትልቅ ሰው ግዙፍ ነው፡፡ የሚለብሰውን እንደ ልቡ ባያገኝም፣ የሚያስፈልገውን ነገር ለማሟላት ቤሳቢስቲን የሌላቸው ወላጆቹን አያስቸግርም፡፡ ከቤተሰቦቹ ጋር ከሚኖሩበት ታቦር ተራራ ጀርባ ወዳለው ሐዋሳ ሐይቅ ከወረደ እንኳንስ የራሱን የቤተሰቦቹንም የዕለት ጉርስ የሚሸፍንበት ገንዘብ አያጣም፡፡ የአስጎብኚነት ዕውቀት፣ ከሐይቁም ውስጥ ዓሳ የሚያጠምድበት መረብም ሆነ ፈቃድ የለውም፡፡ ሙሉቀን (ስሙ ተቀይሯል) እና ጓደኞቹ ሐይቁን ለመጎብኘት የሚሄዱ ጎብኚዎች በካሜራቸው ጥሩ ፎቶ እንዲያስቀሩ ድባቡን የማሳመር ሥራ ይሠራሉ፡፡ ካሜራውን ይዞ ቁጭ ብድግ እያለ ጥሩ ፎቶ ለማንሳት ጥረት የሚያደርግ ሲያዩ፣ ቆርጠው የያዙትን የዓሳ ሥጋ ይዘው ጠጋ ጠጋ ይላሉ፡፡ ቁርጥራጩን የዓሳ ሥጋ ምግብ ለሚቀሙት አባኮዳዎች ሻሞ ይላሉ፡፡ የተወረወረላቸውን ቀድመው ለመቅለብ አባኮዳዎቹ ክንፋቸውን እየመቱ ወደ ላይ ብድግ ይላሉ፡፡ የናሽናል ጆግሪፊ የፎቶግራፍ ባለሙያዎች ያነሱት ዓይነት ፎቶዎች ሳያስቡት ያነሳሉ፡፡ በሁኔታው ተደስተው ደጋግመው ድንቅ ፎቶዎችን ለመውሰድ ሲዘጋጁ እነ ሙሉቀንም አጀንዳቸውን ይፋ ማድረግ ይጀምራሉ፡፡ አቶ ዳዊት አብርሃም
‹‹አንዱን ዓሳ በአሥር ብር ገዝቼ ነው እንዲህ የማዘጋጀው፤›› በማለት በቅድሚያ  መረጃ ይሰጣሉ፡፡ ለቀጣዩ ዜና በዚህ መልኩ እንዲዘጋጁ ካደረጉ በኋላ፣ ሌሎች ሰዎች መቶም ሁለት መቶም ብር እንደሚሰጧቸው ቀለል አድርገው ይገልጻሉ፡፡ ዳርዳ…

ፓርቲው ምርጫ ቦርድ ከተፅዕኖ ነፃ ሳይሆን የምርጫ ጊዜ ሰሌዳ ማውጣቱን ተቃወመ

የመንግሥት ስልጠና የምርጫ ቅስቀሳ አካል ነው ብሏል 
የምርጫ ጊዜ ሰሌዳ ለምን ወጣ መባሉ ተገቢ አይደለም - ምርጫ ቦርድ

ምርጫ ቦርድ ከኢህአዴግ ተፅዕኖ ሙሉ ለሙሉ ነፃ መሆኑ ሳይረጋገጥና የምርጫ አፈፃፀም ችግሮች ሳይወገዱ የምርጫ የጊዜ ሰሌዳ ለማወጅ መዘጋጀቱ ተገቢ አይደለም ሲል ፕ/ር በየነ ጴጥሮስ የሚመሩት ኢማዴ-ደህአፓ ተቃወመ፡፡ መንግስት፤ የዩኒቨርሲቲ መምህራንና ተማሪዎችን ጨምሮ ለተለያዩ የህብረተሰብ ክፍሎች እየሰጠ ያለው ስልጠና የምርጫ ቅስቀሳ አካል ነው ሲልም ፓርቲው ኮንኗል፡፡ 
የኢትዮጵያ ማህበረ ዴሞክራሲ ደቡብ ህዝቦች አንድነት ፓርቲ ሰሞኑን ለብሄራዊ ምርጫ ቦርድ ባስገባው ግልፅ ደብዳቤ፤ ያለፉት አገር አቀፍና የአካባቢ ምርጫዎች ከመካሄዳቸው በፊት በምርጫ ችግሮችና መፍትሄዎቻቸው ዙሪያ ኢህአዴግ ከተቃዋሚዎች ጋር የሚወያይበት መድረክ እንዲዘጋጅ በተደጋጋሚ ብንጠይቅም እስካሁን ከቦርዱ የተሰጠ ተግባራዊ ምላሽ የለም ብሏል፡፡ 
ሃገሪቱ “በአንድ አውራ ፓርቲ” ብቸኛ ቁጥጥር ስር መውደቋ አደገኛና አሳሳቢ ነው ያለው ፓርቲው፤ የመድብለ ፓርቲ ስርአት የመገንባት ተስፋችን ጨርሶ እንዳይከስም ቦርዱ ሃላፊነቱን መወጣት እንዳለበት አሳስቧል፡፡ ነፃና ፍትሃዊ ምርጫ የሚካሄድበትን ሁኔታ ለመፍጠር ገዥው ፓርቲና ሃቀኛ ተቃዋሚ ፓርቲዎች የሚወያዩበት መድረክ እንዲያመቻች በህግ ስልጣን የተሰጠው ምርጫ ቦርድ የገባውን ቃል በማጠፍ መድረኩን ሳያመቻች የምርጫ ጊዜ ሰሌዳ ማዘጋጀቱ ፋይዳ የለውም ብሏል - ፓርቲው፡፡ 
ገዥው ፓርቲ ኢህአዴግ በተሻሻለው የምርጫ ህግ፣ ለቦርዱ የተሰጠውን የፖለቲካ ፓርቲዎች የጋራ መድረክ የማስተባበር ስልጣን ለመቀማት ታማኝ ፓርቲዎችን በተቃዋሚ ስም አሰባስቦ “የፖለቲካ ፓርቲዎች የጋራ መድረክ” በመፍጠር የምርጫ ውድድር አሯሯጭ አሰልፏል ሲል ፓርቲው ተችቷል…

የጀርመን መንግስት ዜጎቹ ወደ ሀዋሳ እና አከባቢዋ በሚጓዙበት ጊዜ ጥንቃቄ እንዲያድርጉ መከረ

የጀርመን መንግስት ዜጎቹ ወደ ሀዋሳ እና አከባቢዋ በሚጓዙበት ጊዜ ጥንቃቄ እንዲያድርጉ አስጠነቀቀ
ዛሬ በአገሪቱ የውጭ ጉዳይ ሚኒስትር ድረገጽ ላይ ባወጣው ማስጠንቀቂያ እንዳመለከተው፤ የጀርመን ዜጎች በኢትዮጵያ ውስጥ በሚቀሳቀሱበት ጊዜ ከጸጥታ አንጻር ማድረግ ባለባቸው እና መሄድ በሌለባቸው የኢትዮጵያ አከባቢዎች ላይ ሰፋ ያለ መረጃ ስጥቷል።
በጽሁፉ ላይ እንደተጠቀሰው በኢትዮጵያ በበርካታ አከባቢዎች ግጭቶች መኖራቸው የተጠቀስ ሲሆን፤ በሲዳማ ክልል የነበረውን ግጭት አስታውሷል። አክሎም በወላይታ ዞን የጸጥታ ስጋት መኖሩን ጠቅሶ ወደ ሲዳማዋ ዋና ከተማ ሀዋሳ የምንቀሳቀሱ ዜጎቿ የተለየ ጥንቃቄ እንዲያደርጉ መክሯል።
ዝርዝሩን ከታች ከሊንኩ ላይ ያንቡ
Äthiopien: Reise- und Sicherheitshinweise