Skip to main content

በሲዳማ ክልል ከውጭ የሚገቡ ምርቶችን ለመተካት እየተሰራ መሆኑ ተገለጸ

 በሲዳማ ክልል በአምራች ዘርፍ ከውጭ የሚገቡ ምርቶችን ለመተካት የ10 አመት እቅድ ወጥቶ እየተሰራ መሆኑ ተገለጸ።


የክልሉ የስራ እድል ፈጠራ ኢንዱስትሪና ኢንተርፕራይዞች ልማት ቢሮ በዘርፉ መልካም እድሎችና ተግዳሮቶች ዙሪያ የሚመክር ጉባኤ በሀዋሳ በማካሄድ ላይ ይገኛል።

የቢሮ ኃላፊ አቶ ሰላሙ ቡላዶ በቀጣዮቹ አመታት የክልሉ ወጣቶችን የስራ እድል የሚያሰፉ ስራዎችን ለመስራት በጥናት ተለይቶ ርብርብ በመደረግ ላይ እንደሚገኝ ገልጸዋል።

ለክልሉ ሁለንተናዊ ብልጽግና እና ልማት እውን መሆን አስተማማኝና ሰፊ መሰረት ያለው ተወዳዳሪ የአነስተኛና መካከለኛ የማንፋክቸሪንግ ኢንዱስትሪ ለማስፋፋት የነበሩ ማነቆዎች ተለይተው የመፍትሄ ርምጃዎች ለመውሰድ በቁርጠኝነት እየተሰራ ነውም ብለዋል።

የሲዳማ ክልል ሰፊ የስራ እድል ለመፍጠር የሚያግዙ አስቻይ ሁኔታዎች ያሉት ቢሆንም፤ በዘርፉ በቂ ስራ ባለመሰራቱ በርካታ ስራአጥ ወጣቶች እንደሚገኙም በመድረኩ ተጠቁሟል።

በክልሉ የነባር ኢንዱስትሪዎችን ምርትና ምርታማነት አሁን ካለው ከ50 በመቶ አፈጻጸም በቀጣዮቹ 10 አመታት ጊዜ ውስጥ 85 በመቶ ለማድረስ መታቀዱም ተገልጿል።

የአምራች ዘርፉ የ6.8 በመቶ የኢኮኖሚ ድርሻም ቢሆን በ2022 ዓ.ም 17 በመቶ ለማድረስ ይሰራልም ነው የተባለው።

የክልሉ ስራ እድል ፈጠራ ኢንደስትሪና ኢንተርፕራይዞች ልማት ቢሮ በቀጣዮቹ 10 አመታት በተለይ በአምራች ዘርፍ ከውጭ የሚገቡ ገቢ ምርቶችን የሚተኩ ኢንዱስትሪዎች በክልሉ ተስፋፍተው በኢኮኖሚው ውስጥ አሁን ካለው የ30 በመቶ አበርክቶ እስከ 60 በመቶ እንዲደርስ በቀርጠኝነት ይሰራልም ተብሏል።

በመድረኩ የተገኙት የሲዳማ ክልል ብልጽግና ፓርቲ ቅርንጫፍ ጽ/ቤት የአደረጃጀት ዘርፍ ኃላፊ አቶ አሸናፊ ኤልያስ በበኩላቸው፣ በክልሉ ከዚህ ቀደም የነበረው የአደረጃጀት ችግር ተቀርፎ ወደ ስራ በመገባቱ አንገብጋቢ የሆነው የወጣቱ የስራ እድል ችግርን ለመፍታት በትኩረት እየተሰራ መሆኑን ጠቁመዋል።

ቢሮው የዘርፉን የእስካሁን አፈጻጸም ችግሮች፣ መልካም እድሎች እና አስቻይ ሁኔታዎችን በሚቀርቡ ጥናቶች ላይ ተመርኩዞ የሀዋሳና የይርጋለም አግሮ ፕሮሰሲንግ ኢንዱስትሪ ፓርኮችን ጨምሮ ከወረዳና ከክልል ከተወጣጡ ባለድርሻ አካላት ጋር በሀዋሳ ከተማ እየገመገመ ይገኛል።
©FANABC

Comments

Popular posts from this blog

የሐዋሳ ሐይቅ ትሩፋት

የለበሰው ያደፈ ቁምጣና ሹራብ ከቅዝቃዜው አላዳነውም፡፡ ካፊያው ልብሱን አርሶታል፡፡ ሽው እያለ ከሐይቁ የሚነሳው ነፋስ የሚፈጥረው ቅዝቃዜ ያንቀጠቅጠዋል፡፡ የተጫማው ያረጀ ሲሊፐር እግሩን ከምንም አላዳነውም፡፡ በባዶ እግሩ የሚራመድ ያህል ጨቅይቷል፡፡ ተደባዳቢ ይመስል ፊቱ የተሞነጫጨረ ነው፡፡ ገና 12 ዓመቱ ቢሆንም፣ ቁመናው እንደ ትልቅ ሰው ግዙፍ ነው፡፡ የሚለብሰውን እንደ ልቡ ባያገኝም፣ የሚያስፈልገውን ነገር ለማሟላት ቤሳቢስቲን የሌላቸው ወላጆቹን አያስቸግርም፡፡ ከቤተሰቦቹ ጋር ከሚኖሩበት ታቦር ተራራ ጀርባ ወዳለው ሐዋሳ ሐይቅ ከወረደ እንኳንስ የራሱን የቤተሰቦቹንም የዕለት ጉርስ የሚሸፍንበት ገንዘብ አያጣም፡፡ የአስጎብኚነት ዕውቀት፣ ከሐይቁም ውስጥ ዓሳ የሚያጠምድበት መረብም ሆነ ፈቃድ የለውም፡፡ ሙሉቀን (ስሙ ተቀይሯል) እና ጓደኞቹ ሐይቁን ለመጎብኘት የሚሄዱ ጎብኚዎች በካሜራቸው ጥሩ ፎቶ እንዲያስቀሩ ድባቡን የማሳመር ሥራ ይሠራሉ፡፡ ካሜራውን ይዞ ቁጭ ብድግ እያለ ጥሩ ፎቶ ለማንሳት ጥረት የሚያደርግ ሲያዩ፣ ቆርጠው የያዙትን የዓሳ ሥጋ ይዘው ጠጋ ጠጋ ይላሉ፡፡ ቁርጥራጩን የዓሳ ሥጋ ምግብ ለሚቀሙት አባኮዳዎች ሻሞ ይላሉ፡፡ የተወረወረላቸውን ቀድመው ለመቅለብ አባኮዳዎቹ ክንፋቸውን እየመቱ ወደ ላይ ብድግ ይላሉ፡፡ የናሽናል ጆግሪፊ የፎቶግራፍ ባለሙያዎች ያነሱት ዓይነት ፎቶዎች ሳያስቡት ያነሳሉ፡፡ በሁኔታው ተደስተው ደጋግመው ድንቅ ፎቶዎችን ለመውሰድ ሲዘጋጁ እነ ሙሉቀንም አጀንዳቸውን ይፋ ማድረግ ይጀምራሉ፡፡ አቶ ዳዊት አብርሃም
‹‹አንዱን ዓሳ በአሥር ብር ገዝቼ ነው እንዲህ የማዘጋጀው፤›› በማለት በቅድሚያ  መረጃ ይሰጣሉ፡፡ ለቀጣዩ ዜና በዚህ መልኩ እንዲዘጋጁ ካደረጉ በኋላ፣ ሌሎች ሰዎች መቶም ሁለት መቶም ብር እንደሚሰጧቸው ቀለል አድርገው ይገልጻሉ፡፡ ዳርዳ…

ፓርቲው ምርጫ ቦርድ ከተፅዕኖ ነፃ ሳይሆን የምርጫ ጊዜ ሰሌዳ ማውጣቱን ተቃወመ

የመንግሥት ስልጠና የምርጫ ቅስቀሳ አካል ነው ብሏል 
የምርጫ ጊዜ ሰሌዳ ለምን ወጣ መባሉ ተገቢ አይደለም - ምርጫ ቦርድ

ምርጫ ቦርድ ከኢህአዴግ ተፅዕኖ ሙሉ ለሙሉ ነፃ መሆኑ ሳይረጋገጥና የምርጫ አፈፃፀም ችግሮች ሳይወገዱ የምርጫ የጊዜ ሰሌዳ ለማወጅ መዘጋጀቱ ተገቢ አይደለም ሲል ፕ/ር በየነ ጴጥሮስ የሚመሩት ኢማዴ-ደህአፓ ተቃወመ፡፡ መንግስት፤ የዩኒቨርሲቲ መምህራንና ተማሪዎችን ጨምሮ ለተለያዩ የህብረተሰብ ክፍሎች እየሰጠ ያለው ስልጠና የምርጫ ቅስቀሳ አካል ነው ሲልም ፓርቲው ኮንኗል፡፡ 
የኢትዮጵያ ማህበረ ዴሞክራሲ ደቡብ ህዝቦች አንድነት ፓርቲ ሰሞኑን ለብሄራዊ ምርጫ ቦርድ ባስገባው ግልፅ ደብዳቤ፤ ያለፉት አገር አቀፍና የአካባቢ ምርጫዎች ከመካሄዳቸው በፊት በምርጫ ችግሮችና መፍትሄዎቻቸው ዙሪያ ኢህአዴግ ከተቃዋሚዎች ጋር የሚወያይበት መድረክ እንዲዘጋጅ በተደጋጋሚ ብንጠይቅም እስካሁን ከቦርዱ የተሰጠ ተግባራዊ ምላሽ የለም ብሏል፡፡ 
ሃገሪቱ “በአንድ አውራ ፓርቲ” ብቸኛ ቁጥጥር ስር መውደቋ አደገኛና አሳሳቢ ነው ያለው ፓርቲው፤ የመድብለ ፓርቲ ስርአት የመገንባት ተስፋችን ጨርሶ እንዳይከስም ቦርዱ ሃላፊነቱን መወጣት እንዳለበት አሳስቧል፡፡ ነፃና ፍትሃዊ ምርጫ የሚካሄድበትን ሁኔታ ለመፍጠር ገዥው ፓርቲና ሃቀኛ ተቃዋሚ ፓርቲዎች የሚወያዩበት መድረክ እንዲያመቻች በህግ ስልጣን የተሰጠው ምርጫ ቦርድ የገባውን ቃል በማጠፍ መድረኩን ሳያመቻች የምርጫ ጊዜ ሰሌዳ ማዘጋጀቱ ፋይዳ የለውም ብሏል - ፓርቲው፡፡ 
ገዥው ፓርቲ ኢህአዴግ በተሻሻለው የምርጫ ህግ፣ ለቦርዱ የተሰጠውን የፖለቲካ ፓርቲዎች የጋራ መድረክ የማስተባበር ስልጣን ለመቀማት ታማኝ ፓርቲዎችን በተቃዋሚ ስም አሰባስቦ “የፖለቲካ ፓርቲዎች የጋራ መድረክ” በመፍጠር የምርጫ ውድድር አሯሯጭ አሰልፏል ሲል ፓርቲው ተችቷል…

የጀርመን መንግስት ዜጎቹ ወደ ሀዋሳ እና አከባቢዋ በሚጓዙበት ጊዜ ጥንቃቄ እንዲያድርጉ መከረ

የጀርመን መንግስት ዜጎቹ ወደ ሀዋሳ እና አከባቢዋ በሚጓዙበት ጊዜ ጥንቃቄ እንዲያድርጉ አስጠነቀቀ
ዛሬ በአገሪቱ የውጭ ጉዳይ ሚኒስትር ድረገጽ ላይ ባወጣው ማስጠንቀቂያ እንዳመለከተው፤ የጀርመን ዜጎች በኢትዮጵያ ውስጥ በሚቀሳቀሱበት ጊዜ ከጸጥታ አንጻር ማድረግ ባለባቸው እና መሄድ በሌለባቸው የኢትዮጵያ አከባቢዎች ላይ ሰፋ ያለ መረጃ ስጥቷል።
በጽሁፉ ላይ እንደተጠቀሰው በኢትዮጵያ በበርካታ አከባቢዎች ግጭቶች መኖራቸው የተጠቀስ ሲሆን፤ በሲዳማ ክልል የነበረውን ግጭት አስታውሷል። አክሎም በወላይታ ዞን የጸጥታ ስጋት መኖሩን ጠቅሶ ወደ ሲዳማዋ ዋና ከተማ ሀዋሳ የምንቀሳቀሱ ዜጎቿ የተለየ ጥንቃቄ እንዲያደርጉ መክሯል።
ዝርዝሩን ከታች ከሊንኩ ላይ ያንቡ
Äthiopien: Reise- und Sicherheitshinweise