የዘንድሮ ዓመት የብሔር ብሔረሰቦች በዓል፤ ህዳር 25 በሲዳማ ይከበራል

የዘንድሮ ዓመት የብሔር ብሔረሰቦች በዓል በኮረና ቫይረስ ምክንያት የአከባበር ለውጥ እንደተደረገበት የፌደሬሽን ምክርቤት አስታወቀ

***********************************************************

በዓሉ በአንድ ክልል አዘጋጅነት የሚከበርበት መንገድ ቀርቶ ከህዳር 15 ጀምሮ በወጣ መርሐግብር በየክልሉ እንደሚከበር የምክርቤቱ የግጭት አፈታት የሰላም ግንባታ ዳይሬክተር አቶ ሙስጠፋ ናስር ገልፀዋል።

በዘህም መሰረት ህዳር 15 በትግራይ ፣ ህዳር 16 በደቡብ ፣ ህዳር 17 ሱማሌ ፣ ህዳር 18 ቤኒሻንጉል ህዳር 19 አማራ፣ ህዳር 20 አዲስ አበባ ፣ህዳር 21 ሐረር ፣ ህዳር 22 ጋምቤላ፣ህዳር 23 አፋር ፣ህዳር 24 ኦሮሚያ ፣ህዳር 25 ፣2013 በሲዳማ ይከበራል።

የህዝብ አንድነትና ትብብርን ለመፍጠር ዓለማ አድርጎ በሚከበረው በዚህ በዓል ላይ የተለያዩ ማህበራዊ ተግባራት እንደሚከወኑ ተገልጿል ።

ኢትዮጵያውያን በደም የተሳሰሩ መሆኑን ለማመልከት የአንዱ ክልል ወደ ሌላ ክልል በመሄድ ደም መለገስ ከሚከወኑ ተግባራት አንዱ ነው።

የውይይት መድረኮችና ሲምፖዚየሞችም እንደሚካሄዱ በፌደሬሽን ምክር ቤት የግጭት አፈታት የሰላም ግንበታ ዳይሬክተር አቶ ሙስጠፋ ናስር ገልፀዋል።

የክብረ በዓሉ አካል የሆነ ችቦም በሁሉም ክልሎች እንደሚዛዋወርም አስታውቀዋል።

ዜናው የEBC ነው