Skip to main content

የሲዳማ ክልል በአራት ዞን እና በአንድ የከተማ አስተዳደር እንድካለል የተደረገ ሲሆን፤ ወደ 7 ቢሊዮን ብር የሚጠጋ ባጄት ለቀጣዩ አመት ተይዞለታል

የሲዳማ ክልል በአራት ዞን እና በአንድ የከተማ አስተዳደር እንድካለል የተደረገ ሲሆን፤ ወደ 7 ቢሊዮን ብር የሚጠጋ ባጄት ለቀጣዩ አመት ተይዞለታል።


ባለፈው ሳምንት የኢትዮጵያን የፌዴሬሽን ምክር ቤት በ10ኛ ክልልነት የተቀላቀለው የሲዳማ ብሔራዊ ክልላዊ መንግስት በአራት ዞኖችን እና በአንድ የከተማ አስተዳደር እንዲዋቀር መደረጉት ዛሬ ሰምተናል።

የክልሉ ፕሬዚዳንት ካላ ደስታ ሌዳሞ እንዳሉት፤ ክልሉ አቅጣጫን መሰረት ባደረጉ አራት ዞኖች እንዲዋቀር  የተደረገ ሲሆን፤ ይህም ሰሜን፣ ደቡብ ፣ ምእራብ እና ምስራቅ ሲዳማ በሚል ነው።  

የሐዋሳ ከተማ ደግም በዞን አስተዳደር ደረጃ፤ የከተማ አስተዳደር መሆኗን ተሰምተዋል። 

አራቱ የሲዳማ ዞኖች በአቅጣጫ እንዲዋቀሩ የተደረጉት፤ ከጎሳ ጋር በተያያዘ ልነሱ የሚችሉትን የአወቃቀር ችግሮ ለመቅረፍ ታስቦ መሆኑ ታውቋል።

የሲዳማ ክልል 36 ወረዳዎች ያሉት ሲሆን፤ እነዚሁ ወረዳዎች አከፋፈል ከዚህ በፊትም ብሆን ጎሳን ያላማከረ ሲሆኑ፤ በተመሳሳይ መልኩ ጎሳን ባላማከሉ ዞኖች መዋቀራቸው፤ በሲዳማ ውስጥ እየታየ ያለውን የጎሰኝነት አባዜን መልክ ያስዘዋል የሚል እምነት ፈጥሯል።

የሲዳማ ህዝብ በደርግ ጊዜ ሲያደርግ የነበረው የትጥቅ ትግል ያለ ውጤት ለመቋጨቱ፤ እንደአብይ ምክኒያት የሚነሳው የነጻ አውጪው ሓይል የመዋጋት ብቃት ጉድለት ሳይሆን፤ በተዋጊው ነጻ አውጪ አባላት እና አመራሮች መካከል የነበረው የጎሳ ክፍፍል መሆኑ ይታወቃል።

ይህንን ስህተት ላለመድገም፤ አዲሱ የሲዳማ ክልል መንግስት የሲዳማን ክልል የዞን አስተዳደር በአቅጣጫ ማድረጉ፤ የክልሉን ህዝብ አንድ ለማድረግ አዎንታዊ ኣካሄድ እና እርምጃ ነው።

በተያያዘ ዜና የሲዳማ ክልል፤ ካላ ደምሴ ዱላቻን የክልሉ ጠቅላይ ፍርድ ቤት ፕሬዚዳንት፣ ካላ ሰለሞን ላሌን አፌ ጉባኤ፣ የዞኑ ብልጽግና ፓርቲ ሀላፊ የነበሩት ካላ በቀለ ቱንሲሳ ምክትል ፕሬዚዳንት እና ካላ አብርሃም ማርሻሎን የክልሉ የብልጽግና ፓርቲ ሀላፊ አድርጎ መሾሙን ሰምተናል።