Skip to main content

በሃዋሳ ስታዲየም ሃዋሳ ከተማ ከቅዱስ ጊዮርጊስ የሚያደርገው ጨዋታ በትልቅ ጉጉት እየተጠበቀ ነው

Image result for hawassa city fcየኢትዮጵያ እግር ኳስ ፌዴሬሽን "በተለያዩ ምክንያቶች" በሚል ያራዘማቸው የኢትዮጵያ ፕሪሚየር ሊግ ተስተካካይ ጨዋታዎች ከነገ ጀምሮ ይካሄዳሉ።
ነገ በጅማ ስታዲየም ዘጠኝ ሰአት የጅማ አባጅፋር እግር ኳስ ክለብ ከወላይታ ድቻ አቻው ጋር ጨዋታውን ያደርጋል።
በአሰልጣኝ ገብረመድሕን ሐይሌ የሚሰለጥነው ጅማ አባጅፋር በዘንድሮው የኢትዮጵያ ፕሪሚየር ሊግ ውድድር ከ14 ጨዋታዎች 22 ነጥብ በመሰብሰብ አምስተኛ ደረጃ ላይ ይገኛል።
በአንጻሩ ወላይታ ድቻ በሊጉ የነበረውን ጥሩ አጀማመር መቀጠል ባለመቻሉ ከሁለት ወራት በፊት አሰልጣኝ መሳይ ተፈሪን በማሰናበት በዘነበ ፍስሀ ተክቷል።
አሰልጣኝ ዘነበ ፍስሀ ቡድኑን ከያዙት ጊዜ ጀምሮ ባለፉት ስድስት ተከታታይ የፕሪሚየር ሊጉ ጨዋታዎች አልተሸነፈም። በአሁኑ ሰአትም በሊጉ 16 ነጥብ በመሰብሰብ ዘጠነኛ ደረጃ ላይ ተቀምጧል።
የነገው ጨዋታ በአፍሪካ ኮንፌደሬሽን ዋንጫ የቅድመ ማጣሪያ ጨዋታ የዛንዚባሩን ዚማሞቶ ክለብ በድምር ውጤት ሁለት ለአንድ ላሸነፈው ወላይታ ድቻ ከድሉ በኋላ የመጀመሪያው ነው።
ሀሙስ የካቲት 22 ቀን 2010 ዓ.ም በሃዋሳ ስታዲየም ሃዋሳ ከተማ ከቅዱስ ጊዮርጊስ ከቀኑ ዘጠኝ ሰአት ላይ የሚያደርገው ጨዋታ ሌላኛው የተስተካካይ ጨዋታ መርሃ ግብር ነው።
በአሰልጣኝ ውበቱ አባተ የሚሰለጥነው ሃዋሳ ከተማ በዘንድሮው የኢትዮጵያ ፕሪሚየር ሊግ ያለው አቋም ደከም ያለ ነው ማለት ይቻላል።
በአጠቃላይ በሊጉ 14 ጨዋታዎችን አድርጎ 15 ነጥብ በማግኘት በ11ኛ ደረጃ ላይ የተቀመጠ ሲሆን በወራጅ ቀጠና ከሚገኙ ክለቦች በሶስት ነጥብ ብቻ ርቆ ይገኛል።
ቅዱስ ጊዮርጊስ ባለፉት አራት ተከታታይ የፕሪሚየር ሊግ ጨዋታዎች ማሸነፍ አልቻለም። ሶስት ጊዜ አቻ ወጥቶ አንድ ጊዜ ተሸንፏል።
የሐሙሱ ጨዋታ ለሁለቱ ቡድኖች ካሉበት ወቅታዊ አቋም አንጻር በጣም ወሳኝ የሚባል ነው።
በኢትዮጵያ ፕሪምየር ሊግ በመወዳደር ላይ የሚገኘው ወልዲያ ከተማ በተጫዋቾች መበተን ምክንያት እንዳይዳከም ቀሪ ጨዋታዎቹ ወደ ሌላ ጊዜ መተላለፋቸውን የኢትዮጵያ እግር ኳስ ፌዴሬሽን ማስታወቁ ይታወሳል።
ወልዲያ ከተማ በመጀመሪያው ዙር የኢትዮጵያ ፕሪምየር ሊግ ለሚጠብቁት ቀሪ ሶስት ተከታታይ ጨዋታዎች ለሌላ ጊዜ ተላልፈውም ነበር።
በአሁኑ ሰአት ግን የቡድኑ ተጫዋቸቾች ተሰባስበው ልምምድ የጀመሩ ሲሆን በዚህም መሰረት ወልዲያ በዚህ ሳምንት ሁለቱን ጨዋታ የሚያደርግ ይሆናል።
በአጠቃላይ ተስተካካይ ጨዋታዎቹ ከተከናወኑ በኋላ የኢትዮጵያ ፕሪሚየር ሊግ የመጀመሪያ ዙር መርሃ ግብር ይጠናቀቃል።
የፕሪሚየር ሊጉን የደረጃ ሰንጠረዥ ደደቢት በ29 ነጥብ ሲመራ፣ መቀሌ ከተማ በ25 ነጥብ ሁለተኛ እንዲሁም ቅዱስ ጊዮርጊስና አዳማ ከተማ በተመሳሳይ 23 ነጥብ በግብ ክፍያ ተበላልጠው በቅደም ተከተል ሶስተኛና አራተኛ ደረጃን ይዘዋል።
የኮከብ ግብ አግቢነቱን የደደቢቱ ጌታነህ ከበደ በዘጠኝ ጎል ሲመራ፣የአዳማ ከተማው ዳዋ ሁቴሳ ናይጄሪያዊው የጅማ አባ ጅፋር ተጫዋች ኦኪኪ አፎላቢና ጋናዊው የኢትዮ ኤሌትሪክ ተጫዋች አል ሀሰን ካሉሻ በሰባት ጎሎች ይከተላሉ።

Comments

Popular posts from this blog

የሐዋሳ ሐይቅ ትሩፋት

የለበሰው ያደፈ ቁምጣና ሹራብ ከቅዝቃዜው አላዳነውም፡፡ ካፊያው ልብሱን አርሶታል፡፡ ሽው እያለ ከሐይቁ የሚነሳው ነፋስ የሚፈጥረው ቅዝቃዜ ያንቀጠቅጠዋል፡፡ የተጫማው ያረጀ ሲሊፐር እግሩን ከምንም አላዳነውም፡፡ በባዶ እግሩ የሚራመድ ያህል ጨቅይቷል፡፡ ተደባዳቢ ይመስል ፊቱ የተሞነጫጨረ ነው፡፡ ገና 12 ዓመቱ ቢሆንም፣ ቁመናው እንደ ትልቅ ሰው ግዙፍ ነው፡፡ የሚለብሰውን እንደ ልቡ ባያገኝም፣ የሚያስፈልገውን ነገር ለማሟላት ቤሳቢስቲን የሌላቸው ወላጆቹን አያስቸግርም፡፡ ከቤተሰቦቹ ጋር ከሚኖሩበት ታቦር ተራራ ጀርባ ወዳለው ሐዋሳ ሐይቅ ከወረደ እንኳንስ የራሱን የቤተሰቦቹንም የዕለት ጉርስ የሚሸፍንበት ገንዘብ አያጣም፡፡ የአስጎብኚነት ዕውቀት፣ ከሐይቁም ውስጥ ዓሳ የሚያጠምድበት መረብም ሆነ ፈቃድ የለውም፡፡ ሙሉቀን (ስሙ ተቀይሯል) እና ጓደኞቹ ሐይቁን ለመጎብኘት የሚሄዱ ጎብኚዎች በካሜራቸው ጥሩ ፎቶ እንዲያስቀሩ ድባቡን የማሳመር ሥራ ይሠራሉ፡፡ ካሜራውን ይዞ ቁጭ ብድግ እያለ ጥሩ ፎቶ ለማንሳት ጥረት የሚያደርግ ሲያዩ፣ ቆርጠው የያዙትን የዓሳ ሥጋ ይዘው ጠጋ ጠጋ ይላሉ፡፡ ቁርጥራጩን የዓሳ ሥጋ ምግብ ለሚቀሙት አባኮዳዎች ሻሞ ይላሉ፡፡ የተወረወረላቸውን ቀድመው ለመቅለብ አባኮዳዎቹ ክንፋቸውን እየመቱ ወደ ላይ ብድግ ይላሉ፡፡ የናሽናል ጆግሪፊ የፎቶግራፍ ባለሙያዎች ያነሱት ዓይነት ፎቶዎች ሳያስቡት ያነሳሉ፡፡ በሁኔታው ተደስተው ደጋግመው ድንቅ ፎቶዎችን ለመውሰድ ሲዘጋጁ እነ ሙሉቀንም አጀንዳቸውን ይፋ ማድረግ ይጀምራሉ፡፡ አቶ ዳዊት አብርሃም ‹‹አንዱን ዓሳ በአሥር ብር ገዝቼ ነው እንዲህ የማዘጋጀው፤›› በማለት በቅድሚያ  መረጃ ይሰጣሉ፡፡ ለቀጣዩ ዜና በዚህ መልኩ እንዲዘጋጁ ካደረጉ በኋላ፣ ሌሎች ሰዎች መቶም ሁለት መቶም ብር እንደሚሰጧቸው ቀለል

ፓርቲው ምርጫ ቦርድ ከተፅዕኖ ነፃ ሳይሆን የምርጫ ጊዜ ሰሌዳ ማውጣቱን ተቃወመ

የመንግሥት ስልጠና የምርጫ ቅስቀሳ አካል ነው ብሏል  የምርጫ ጊዜ ሰሌዳ ለምን ወጣ መባሉ ተገቢ አይደለም - ምርጫ ቦርድ ምርጫ ቦርድ ከኢህአዴግ ተፅዕኖ ሙሉ ለሙሉ ነፃ መሆኑ ሳይረጋገጥና የምርጫ አፈፃፀም ችግሮች ሳይወገዱ የምርጫ የጊዜ ሰሌዳ ለማወጅ መዘጋጀቱ ተገቢ አይደለም ሲል ፕ/ር በየነ ጴጥሮስ የሚመሩት ኢማዴ-ደህአፓ ተቃወመ፡፡ መንግስት፤ የዩኒቨርሲቲ መምህራንና ተማሪዎችን ጨምሮ ለተለያዩ የህብረተሰብ ክፍሎች እየሰጠ ያለው ስልጠና የምርጫ ቅስቀሳ አካል ነው ሲልም ፓርቲው ኮንኗል፡፡  የኢትዮጵያ ማህበረ ዴሞክራሲ ደቡብ ህዝቦች አንድነት ፓርቲ ሰሞኑን ለብሄራዊ ምርጫ ቦርድ ባስገባው ግልፅ ደብዳቤ፤ ያለፉት አገር አቀፍና የአካባቢ ምርጫዎች ከመካሄዳቸው በፊት በምርጫ ችግሮችና መፍትሄዎቻቸው ዙሪያ ኢህአዴግ ከተቃዋሚዎች ጋር የሚወያይበት መድረክ እንዲዘጋጅ በተደጋጋሚ ብንጠይቅም እስካሁን ከቦርዱ የተሰጠ ተግባራዊ ምላሽ የለም ብሏል፡፡  ሃገሪቱ “በአንድ አውራ ፓርቲ” ብቸኛ ቁጥጥር ስር መውደቋ አደገኛና አሳሳቢ ነው ያለው ፓርቲው፤ የመድብለ ፓርቲ ስርአት የመገንባት ተስፋችን ጨርሶ እንዳይከስም ቦርዱ ሃላፊነቱን መወጣት እንዳለበት አሳስቧል፡፡ ነፃና ፍትሃዊ ምርጫ የሚካሄድበትን ሁኔታ ለመፍጠር ገዥው ፓርቲና ሃቀኛ ተቃዋሚ ፓርቲዎች የሚወያዩበት መድረክ እንዲያመቻች በህግ ስልጣን የተሰጠው ምርጫ ቦርድ የገባውን ቃል በማጠፍ መድረኩን ሳያመቻች የምርጫ ጊዜ ሰሌዳ ማዘጋጀቱ ፋይዳ የለውም ብሏል - ፓርቲው፡፡  ገዥው ፓርቲ ኢህአዴግ በተሻሻለው የምርጫ ህግ፣ ለቦርዱ የተሰጠውን የፖለቲካ ፓርቲዎች የጋራ መድረክ የማስተባበር ስልጣን ለመቀማት ታማኝ ፓርቲዎችን በተቃዋሚ ስም አሰባስቦ “የፖለቲካ ፓርቲዎች የጋራ መድረክ” በመፍጠር የምርጫ ውድድር አሯሯጭ አሰልፏል ሲ

የጀርመን መንግስት ዜጎቹ ወደ ሀዋሳ እና አከባቢዋ በሚጓዙበት ጊዜ ጥንቃቄ እንዲያድርጉ መከረ

የጀርመን መንግስት ዜጎቹ ወደ ሀዋሳ እና አከባቢዋ በሚጓዙበት ጊዜ ጥንቃቄ እንዲያድርጉ አስጠነቀቀ ዛሬ በአገሪቱ የውጭ ጉዳይ ሚኒስትር ድረገጽ ላይ ባወጣው ማስጠንቀቂያ እንዳመለከተው፤ የጀርመን ዜጎች በኢትዮጵያ ውስጥ በሚቀሳቀሱበት ጊዜ ከጸጥታ አንጻር ማድረግ ባለባቸው እና መሄድ በሌለባቸው የኢትዮጵያ አከባቢዎች ላይ ሰፋ ያለ መረጃ ስጥቷል። በጽሁፉ ላይ እንደተጠቀሰው በኢትዮጵያ በበርካታ አከባቢዎች ግጭቶች መኖራቸው የተጠቀስ ሲሆን፤ በሲዳማ ክልል የነበረውን ግጭት አስታውሷል። አክሎም በወላይታ ዞን የጸጥታ ስጋት መኖሩን ጠቅሶ ወደ ሲዳማዋ ዋና ከተማ ሀዋሳ የምንቀሳቀሱ ዜጎቿ የተለየ ጥንቃቄ እንዲያደርጉ መክሯል። ዝርዝሩን ከታች ከሊንኩ ላይ ያንቡ Äthiopien: Reise- und Sicherheitshinweise