Skip to main content

የቱሪስት አገልግሎት ጥራት መጓደል ለዘርፉ ዕድገት እንቅፋት መሆኑ ተገለጸ

Image result for Hawassa city  2018
ፎቶ ከክልሉ ቱርዝም ቢሮ

የቱሪስት አገልግሎት ጥራት መጓደል በዘርፉ ዕድገት ላይ እንቅፋት እየሆነ መምጣቱን የባህልና ቱሪዝም ሚኒስትር ዶክተር ሂሩት ወልደማሪያም ገልፀዋል፡፡
ሀገሪቱ ያላትን የቱሪዝም ሃብት በማልማት ኢኮኖሚያዊና ማህበራዊ ተጠቃሚነትን ማሳደግ እንዳልተቻለ የገለጹት ሚኒስትሯ፤ የቱሪስት አገልግሎቶች ጥራት መጓደል ዋነኛ እንቅፋት መሆኑን ተናግረዋል።
"በዘርፉ የሚታዩ ችግሮችን መቅረፍና ቱሪስቶች ለሚከፍሉት ዋጋ ተመጣጣኝ አገልግሎት እንዲያገኙ ማድረግ ወሳኝ ጉዳይ ነው" ብለዋል።
የቱሪዝም ልማት በርካታ ተግዳሮቶች ያሉበት ቢሆንም የቱሪዝም መስህቦችን አልምቶና አስተዋውቆ በዓለም አቀፍ ደረጃ የሀገሪቱን ተወዳዳሪነትና የዘርፉን ገበያ ለማሳደግ ጥረቱ መጠናከር እንዳለበት አሳስበዋል።
ለዚህም የአገልግሎት ጥራት ለማሻሻል የሆቴሎች የደረጃ ምደባ ቁልፍ ሚና እንደሚጫወት ነው የገለጹት።
የባህልና ቱሪዝም ሚኒስቴር ከዓለም ቱሪዝም ድርጅት ጋር በመተባበር ዓለም አቀፍ ይዘት ያለው የሆቴሎች መስፈርት ማውጣቱን አስታውሰዋል።
በዚህም በአምስት ክልሎችና በሁለት የከተማ አስተዳደሮች ለሚገኙ 365 ሆቴሎች የኮከብ ደረጃ መስጠቱን ነው ያነሱት።
በቀጣይም ለቱሪስቶች አገልግሎት የሚሰጡ አዳዲስ ሆቴሎች፣ ሎጆች፣ ሬስቶራንቶችና አስጎብኚ ድርጅቶች የደረጃ ምደባ እንደሚደረግላቸው ጠቁመዋል።
ሀገሪቱ በቱሪዝም ዘርፍ ተወዳዳሪ እንድትሆን ከአገልግሎት አሰጣጥ ጋር በተያያዘ ያሉ ቸግሮችን መፍታት እንደሚገባም ዶክተር ሒሩት አመልክተዋል።
የደቡብ ክልል ባህልና ቱሪዝም ቢሮ ኃላፊ ዶክተር አክመል አህመድ በበኩላቸው፤ የቱሪዝም ኢንዱስትሪው በፍጥነት በማደግ ላይ የሚገኝና የውጭ ምንዛሬ በማስገኘት በኩል ትከረት የተሰጠው ቀዳሚ የኢኮኖሚ ዘርፍ መሆኑን ተናግረዋል።
"ኢንዱስትሪው ባለፉት ጥቂት ዓመታት በተሰጠው ትኩረት ለውጥ እየታየ ቢመጣም ካለው የቱሪዝም ሀብት አንጻር ለውጡ ዝቅተኛ ነው" ብለዋል።
በቀጣይም ዓለም አቀፍ ተወዳዳሪነትን የሚያረጋግጡ ተግባራትን ማከናወን እንደሚገባ ነው ዶክተር አክመል ያመለከቱት።
እንደ ዶክተር አክመል ገለጻ፣ በደቡብ ክልል 41 ሆቴሎች ተመዝነው 28 ሆቴሎች የኮከብነት ደረጃ ያሟሉ ሲሆን፤ ስምንት ሆቴሎች ደግሞ የእሳትና ድንገተኛ አደጋ መስፈርቶችን ባለሟሟላታቸው ማረጋገጫ አልተሰጣቸውም።
በአርባ ምንጭ ከተማ የሚገኘው የኢዛና ዓለም አቀፍ ሆቴል ባለቤት አቶ በላይ ሰመረ የሆቴሎች ደረጃ ምደባ የተሻለ አግልግሎት ለመስጠትና የውድድር መንፈስ መፍጠሩን ተናግረዋል።
የቱሪስት አገልግሎቶች ብቃት ማረጋገጥና ደረጃ ምደባ ዳይሬክተር አቶ ቴዎድሮስ ደርበው በበኩላቸው በሁሉም ክልሎች 78 ሆቴሎች የደረጃ ምደባ እንደሚደረግላቸው ጠቁመዋል።
የባህልና ቱሪዝም ሚኒስቴር ከደቡብ ክልል ባህልና ቱሪዝም ቢሮ ጋር በመቀናጀት በሆቴሎች ኮከብ ደረጃ ምደባ ላይ ከዘርፉ ባለሃብቶች ጋር መክሯል፡፡

Comments

Popular posts from this blog

የሐዋሳ ሐይቅ ትሩፋት

የለበሰው ያደፈ ቁምጣና ሹራብ ከቅዝቃዜው አላዳነውም፡፡ ካፊያው ልብሱን አርሶታል፡፡ ሽው እያለ ከሐይቁ የሚነሳው ነፋስ የሚፈጥረው ቅዝቃዜ ያንቀጠቅጠዋል፡፡ የተጫማው ያረጀ ሲሊፐር እግሩን ከምንም አላዳነውም፡፡ በባዶ እግሩ የሚራመድ ያህል ጨቅይቷል፡፡ ተደባዳቢ ይመስል ፊቱ የተሞነጫጨረ ነው፡፡ ገና 12 ዓመቱ ቢሆንም፣ ቁመናው እንደ ትልቅ ሰው ግዙፍ ነው፡፡ የሚለብሰውን እንደ ልቡ ባያገኝም፣ የሚያስፈልገውን ነገር ለማሟላት ቤሳቢስቲን የሌላቸው ወላጆቹን አያስቸግርም፡፡ ከቤተሰቦቹ ጋር ከሚኖሩበት ታቦር ተራራ ጀርባ ወዳለው ሐዋሳ ሐይቅ ከወረደ እንኳንስ የራሱን የቤተሰቦቹንም የዕለት ጉርስ የሚሸፍንበት ገንዘብ አያጣም፡፡ የአስጎብኚነት ዕውቀት፣ ከሐይቁም ውስጥ ዓሳ የሚያጠምድበት መረብም ሆነ ፈቃድ የለውም፡፡ ሙሉቀን (ስሙ ተቀይሯል) እና ጓደኞቹ ሐይቁን ለመጎብኘት የሚሄዱ ጎብኚዎች በካሜራቸው ጥሩ ፎቶ እንዲያስቀሩ ድባቡን የማሳመር ሥራ ይሠራሉ፡፡ ካሜራውን ይዞ ቁጭ ብድግ እያለ ጥሩ ፎቶ ለማንሳት ጥረት የሚያደርግ ሲያዩ፣ ቆርጠው የያዙትን የዓሳ ሥጋ ይዘው ጠጋ ጠጋ ይላሉ፡፡ ቁርጥራጩን የዓሳ ሥጋ ምግብ ለሚቀሙት አባኮዳዎች ሻሞ ይላሉ፡፡ የተወረወረላቸውን ቀድመው ለመቅለብ አባኮዳዎቹ ክንፋቸውን እየመቱ ወደ ላይ ብድግ ይላሉ፡፡ የናሽናል ጆግሪፊ የፎቶግራፍ ባለሙያዎች ያነሱት ዓይነት ፎቶዎች ሳያስቡት ያነሳሉ፡፡ በሁኔታው ተደስተው ደጋግመው ድንቅ ፎቶዎችን ለመውሰድ ሲዘጋጁ እነ ሙሉቀንም አጀንዳቸውን ይፋ ማድረግ ይጀምራሉ፡፡ አቶ ዳዊት አብርሃም ‹‹አንዱን ዓሳ በአሥር ብር ገዝቼ ነው እንዲህ የማዘጋጀው፤›› በማለት በቅድሚያ  መረጃ ይሰጣሉ፡፡ ለቀጣዩ ዜና በዚህ መልኩ እንዲዘጋጁ ካደረጉ በኋላ፣ ሌሎች ሰዎች መቶም ሁለት መቶም ብር እንደሚሰጧቸው ቀለል

ፓርቲው ምርጫ ቦርድ ከተፅዕኖ ነፃ ሳይሆን የምርጫ ጊዜ ሰሌዳ ማውጣቱን ተቃወመ

የመንግሥት ስልጠና የምርጫ ቅስቀሳ አካል ነው ብሏል  የምርጫ ጊዜ ሰሌዳ ለምን ወጣ መባሉ ተገቢ አይደለም - ምርጫ ቦርድ ምርጫ ቦርድ ከኢህአዴግ ተፅዕኖ ሙሉ ለሙሉ ነፃ መሆኑ ሳይረጋገጥና የምርጫ አፈፃፀም ችግሮች ሳይወገዱ የምርጫ የጊዜ ሰሌዳ ለማወጅ መዘጋጀቱ ተገቢ አይደለም ሲል ፕ/ር በየነ ጴጥሮስ የሚመሩት ኢማዴ-ደህአፓ ተቃወመ፡፡ መንግስት፤ የዩኒቨርሲቲ መምህራንና ተማሪዎችን ጨምሮ ለተለያዩ የህብረተሰብ ክፍሎች እየሰጠ ያለው ስልጠና የምርጫ ቅስቀሳ አካል ነው ሲልም ፓርቲው ኮንኗል፡፡  የኢትዮጵያ ማህበረ ዴሞክራሲ ደቡብ ህዝቦች አንድነት ፓርቲ ሰሞኑን ለብሄራዊ ምርጫ ቦርድ ባስገባው ግልፅ ደብዳቤ፤ ያለፉት አገር አቀፍና የአካባቢ ምርጫዎች ከመካሄዳቸው በፊት በምርጫ ችግሮችና መፍትሄዎቻቸው ዙሪያ ኢህአዴግ ከተቃዋሚዎች ጋር የሚወያይበት መድረክ እንዲዘጋጅ በተደጋጋሚ ብንጠይቅም እስካሁን ከቦርዱ የተሰጠ ተግባራዊ ምላሽ የለም ብሏል፡፡  ሃገሪቱ “በአንድ አውራ ፓርቲ” ብቸኛ ቁጥጥር ስር መውደቋ አደገኛና አሳሳቢ ነው ያለው ፓርቲው፤ የመድብለ ፓርቲ ስርአት የመገንባት ተስፋችን ጨርሶ እንዳይከስም ቦርዱ ሃላፊነቱን መወጣት እንዳለበት አሳስቧል፡፡ ነፃና ፍትሃዊ ምርጫ የሚካሄድበትን ሁኔታ ለመፍጠር ገዥው ፓርቲና ሃቀኛ ተቃዋሚ ፓርቲዎች የሚወያዩበት መድረክ እንዲያመቻች በህግ ስልጣን የተሰጠው ምርጫ ቦርድ የገባውን ቃል በማጠፍ መድረኩን ሳያመቻች የምርጫ ጊዜ ሰሌዳ ማዘጋጀቱ ፋይዳ የለውም ብሏል - ፓርቲው፡፡  ገዥው ፓርቲ ኢህአዴግ በተሻሻለው የምርጫ ህግ፣ ለቦርዱ የተሰጠውን የፖለቲካ ፓርቲዎች የጋራ መድረክ የማስተባበር ስልጣን ለመቀማት ታማኝ ፓርቲዎችን በተቃዋሚ ስም አሰባስቦ “የፖለቲካ ፓርቲዎች የጋራ መድረክ” በመፍጠር የምርጫ ውድድር አሯሯጭ አሰልፏል ሲ

የጀርመን መንግስት ዜጎቹ ወደ ሀዋሳ እና አከባቢዋ በሚጓዙበት ጊዜ ጥንቃቄ እንዲያድርጉ መከረ

የጀርመን መንግስት ዜጎቹ ወደ ሀዋሳ እና አከባቢዋ በሚጓዙበት ጊዜ ጥንቃቄ እንዲያድርጉ አስጠነቀቀ ዛሬ በአገሪቱ የውጭ ጉዳይ ሚኒስትር ድረገጽ ላይ ባወጣው ማስጠንቀቂያ እንዳመለከተው፤ የጀርመን ዜጎች በኢትዮጵያ ውስጥ በሚቀሳቀሱበት ጊዜ ከጸጥታ አንጻር ማድረግ ባለባቸው እና መሄድ በሌለባቸው የኢትዮጵያ አከባቢዎች ላይ ሰፋ ያለ መረጃ ስጥቷል። በጽሁፉ ላይ እንደተጠቀሰው በኢትዮጵያ በበርካታ አከባቢዎች ግጭቶች መኖራቸው የተጠቀስ ሲሆን፤ በሲዳማ ክልል የነበረውን ግጭት አስታውሷል። አክሎም በወላይታ ዞን የጸጥታ ስጋት መኖሩን ጠቅሶ ወደ ሲዳማዋ ዋና ከተማ ሀዋሳ የምንቀሳቀሱ ዜጎቿ የተለየ ጥንቃቄ እንዲያደርጉ መክሯል። ዝርዝሩን ከታች ከሊንኩ ላይ ያንቡ Äthiopien: Reise- und Sicherheitshinweise