Skip to main content

ኢኮኖሚውና ቢዝነሱ ፈዟል! እናነቃቃው እንጂ!


ኢኮኖሚው ወድቋል፣ ሞቷል አይደለም እያልን ያለነው፡፡ ፈዟል ነው፡፡ በእውነት  ፈዟል፡፡ ከፍተኛ በጀት የሚጠይቁ፣ ተግባር ላይ ሲውሉና ሲሳኩም አገርን በእጅጉ የሚጠቅሙ፣ በሐሳብና በፍላጎት ብቻ ሳይሆን በተግባር ሥራቸው የተጀመረ ፕሮጀክቶች አሉ፡፡
ነገር ግን በሚያስተማምን ሁኔታ በቂ በጀት እያገኙ ያሉ ፕሮጀክቶች አይደሉም፡፡ ከውጭ ብድርና ዕርዳታ ከተገኘ ጥሩ፣ ካልተገኘ ደግሞ ራሳችን እንፈጽማቸዋለን ብለን የጀመርናቸው ፕሮጀክቶች ናቸው፡፡ በራስ ተማምኖ መጓዝን የመሰለ የለም፡፡ እዚህ ላይ ስህተት የለም፡፡

ነገር ግን በራስ መተማመን በራስ ገንዘብን እውን ከማድረግ ጋር መያያዝ አለበት፡፡ ምርት እያደገ፣ ኤክስፖርት እያደገ፣ ግብር እያደገ፣ ወዘተ ሲሄድ ነው የውስጥ አቅም ሊጨምር የሚችለው፡፡ በዚህ ዙሪያ ዕድገትና የአቅም መጎልበት ካልታየ ሊገኝ የታሰበው በጀት ላይገኝ ስለሚችል በዕቅዶች ላይ መጓተት ያስከትላል፡፡

የስኳር ፕሮጀክቶች በቂ በጀት እያገኙ አይደሉም፡፡ የምድር ባቡር ሥራው በበጀት በአስተማማኝ ደረጃ ላይ አይደለም፡፡ መንግሥት ከግል የኮንስትራክሽን ድርጅቶችና ከሌሎች ዓበይት ሥራዎችን ከሚሠሩ የግል ድርጅቶች ጋር ተዋውሎ ላሠራው ሥራ ለመክፈልም ሲቸገር እየታየ ነው፡፡ ሥራው ተሠርቷል ክፍያ ግን አልተፈጸመም፡፡  ሁሉም ችግር በገንዘብ  ባይመካኝም የገንዘብ እጥረት አንዱና ዋነኛው ምክንያት ነው፡፡

ባንኮች ለደንበኞቻቸው በተገቢው ደረጃ ብድር እየሰጡ አይደሉም፡፡ ያላግባብ የሚሰጥ ብድርን ማረምና ማስተካከል ተገቢ ነው፡፡ ነገር ግን እየታየ ያለው ችግር ጉድለትን የማስተካከል ሳይሆን ለተገቢው ብድር ብቁና ንቁ ሆኖ አለመገኘት ነው፡፡

የውጭ ምንዛሪ ጉዳይም እንደዚሁ አስተማማኝ አይደለም፤ እጥረት አለበት፡፡ ሙስናም አለበት፡፡ የአቅም ማነስም አለበት፡፡ ውሸትም አለበት፡፡ ችግሩን በሀቅ፣ በግልጽና በድፍረት በመመርመር እንዴት እንፍታው ከማለት ይልቅ ‹‹በሽበሽ›› ነው እያሉ ማጭበርበር ይስተዋላል፡፡

መንግሥት ጠንካራ ቁጥጥር አደርጋለሁ ቢልም አሁንም ገንዘብ በሕገወጥ መንገድ ከአገር እየወጣ ነው፡፡ አሁንም ጥቁር ገበያው ተስፋፍቷል፡፡ እንዲያውም ከውጭ የሚመጣው የዳያስፖራ ኢትዮጵያውያን ገንዘብም የውጭ ምንዛሪ ክምችትን ከማሳደግ ይልቅ፣ በጥቁር ገበያ እየተመነዘረ ባንክ ሳይገባ እንዳለ ወደ ውጭ እየተጓዘ ነው ያለው፡፡ ከውጭ የመጣው ወደ ውጭ እየሄደ ነው፡፡ ኢትዮጵያ መተላለፊያ እንጂ መድረሻ መሆን አልቻለችም፡፡ የውጭ ምንዛሪ አሠራርን መንግሥት በፖሊሲ ደረጃ አስቸኳይ ትኩረት ሰጥቶ ዕርምጃ ሊወስድበት ይገባል፡፡ ጥቁር ገበያ እንዲጠፋ በይፋ ፈቃድ ለውጭ ምንዛሪ ቢሮዎች እየሰጠ ባንክ ማስገባታቸውን ቢቆጣጠር ይበጃል፡፡ ለባንኮች ብቻ ኃላፊነትና ፈቃድ ሰጥቶ የውጭ ምንዛሪ ወደ ጥቁር ገበያ እንዳይገፋ መከላከል አለበት፡፡

ከውጭ የሚመጡ ዕቃዎችና ሸቀጦችም ዋጋቸው በእጅጉ እየናረ ነው፡፡ በብዛት ስለማይገኙ ዋጋቸውም የማይቻል እየሆነ ነው፡፡ ኤክስፖርት በማብዛት ኢምፖርት ለመቀነስ ቢታቀድም፣ ለኢምፖርት እየወጣ ያለው ገንዘብ ግን በእጅጉ ብዙ ነው፡፡ ከግሽበት ጋር በተያያዘ ምክንያት፡፡

በዚህ ምክንያትም ኅብረተሰቡ በኑሮ ውድነት በእጅጉ እየተጨፈለቀ ነው፡፡  ኑሮን ለመግፋት ደመወዝ ትርጉም የለሽ እየሆነ ነው፡፡ ስለቅንጦት ዕቃዎች አይደለም እየተነጋገርን ያለነው፡፡ ወይ ቅንጦት? ጤፉም፣ በቆሎውም፣ ልብሱም፣ ትራንስፖርቱም፣ ወዘተ በእጅጉ ውድ ሆነው ነው የሕዝቡን ኑሮ እያንገዳገዱ ያሉት፡፡ 

የገንዘብ ዝውውር ተዳክሟል፡፡ ገንዘብ የለኝም የሚል በዝቷል፡፡ ጨረታዎች እንደድሮው አይደሉም፡፡ ብዙ ተሳታፊዎችን አያገኙም፡፡ ሒሳቦች በወቅቱ እየተከፈሉና እየተዘጉ አይደሉም፡፡ በነገራችን ላይ ግለሰቦች ብቻ ሳይሆኑ ባንኮች እንኳን ደንበኛ ካስቀመጠው ሒሳብ ለማውጣት ሲጠየቁ፣ እዚህ ቅርንጫፍ ገንዘብ ስለሌለ ከሌላ ቅርንጫፍ ውሰዱ ማለት ጀምረዋል፡፡ ያሳስባል፡፡ እንዴት ገንዘብ አይኖራቸውም?

ባንኮች ከሚያበድሩት 27 በመቶ ቦንድ እንዲገዙ የወጣው ፖሊሲም ባንኮች የሚያንቀሳቅሱትን ገንዘብ ውስን እንዲሆን አድርጎታል፡፡ የባንኮች የገንዘብ እንቅስቃሴ ፈዘዝ እንዲል አድርጎታል፡፡ የዓለም ኢኮኖሚ እየተነጫነጨና እየተንገጫገጨ በመሆኑ የውስጥ ኢኮኖሚያችንን እንዲበረታታ አያደርገውም፡፡ ከውጭ ይገኝ የነበረውን ብድር ያስቀራል፡፡ ይገኝ የነበረውን ዕርዳታ ያጠፋል፡፡ ለጋሾችና አበዳሪዎችም ገንዘብ እያጡ ነውና፡፡ ይህም በቀላሉ የሚታይ ጫና አይደለም፡፡ ይቆነጥጣልና፡፡

በዚህ ላይ ሙስናና ብልሹ አስተዳደር አለ፡፡ ብዙ ዕቅድ ይዘናል ብዙ ገንዘብ ያስፈልገናል ብሎ ለአገርና ለሕዝብ ተቆርቁሮ ከመሥራት ይልቅ በዕቃ ግዥ ስም ለመስረቅ፣ በጨረታ ስም ጉቦ ለመቀበል፣ ሥራ ለማስፈጸም በእግር አትምጡ በእጅ እንጂ በማለት ባለው የገንዘብ ችግር ላይ ተጨማሪ የገንዘብ ችግር የሚፈጥሩ አሉ፡፡ ኢንቨስትመንትን የሚያዳክሙ፣ ኢንቨስተሮችን የሚያሸሹ፣ የአገር ሀብትን ለግል ጥቅም ለማዋል የሚሯሯጡ ሞልተዋል፡፡ ግፋ ቢል የሚታሙ እንጂ ጠንከር ያለ ዕርምጃ የማይወሰድባቸው አሉ፡፡ በየጊዜው እየበዙና እየተበራከቱ የመጡ፡፡

እነዚህና ሌሎች በርካታ ነገሮች ናቸው ኢኮኖሚውንና ቢዝነሱን እያፈዘዙ ያሉት፡፡ እናነቃቃው፡፡

ከሁሉም በፊት ሀቅን በድፍረት መቀበል ያስፈልጋል፡፡ የበጀት ችግር አለ ሲባል ኧረ የለም እያሉ መግለጫ መስጠት፣ የውጭ ምንዛሪ ችግር ሲባል ኧረ በሽ በሽ ነው እያሉ መደስኮር ፋይዳ አይኖረውም፡፡ ትዝብት ነው ትርፉ ተብሎም መታለፍ የለበትም፡፡

በድፍረት ሀቅን እንወቅ፣ እንቀበል፣ ትክክለኛ መፍትሔ እንድናገኝ፡፡
መንግሥትና ኅብረተሰቡ ስለኢኮኖሚና ቢዝነስ የሚነጋገሩበት አገራዊ ‹‹የኢኮኖሚ ፎረም›› ያስፈልጋል፡፡ መንግሥት ብቻዬን አጥንቼና አስቤ ብቻዬን መፍትሔ እሰጣለሁ ማለት የለበትም፡፡ የኅብረተሰቡን አቅምም መጠቀም አለበት፡፡ የባለሙያዎችንና የባለድርሻ አካላትን ዕውቀትም ሊያገኝ ይገባዋል፡፡ ስለሆነም በፎረሙ እነሱንም ያሳትፍ፡፡

በጋራ መንቀሳቀስ ከተቻለ፣ ኅብረተሰቡና መንግሥት በሀቅና በግልጽ በአገር ችግር ላይ ከተወያዩና መፍትሔ ከፈለጉ መልስ ይገኛል፡፡ ችግር ይፈታል፡፡ አሁንም በአስቸኳይ መደረግ ያለበት ይኼው ነው፡፡
ኢኮኖሚውና ቢዘነሱ ፈዟል! እናነቃቃው!
  http://www.ethiopianreporter.com/index.php/editorial/item/1638-%E1%8A%A2%E1%8A%AE%E1%8A%96%E1%88%9A%E1%8B%8D%E1%8A%93-%E1%89%A2%E1%8B%9D%E1%8A%90%E1%88%B1-%E1%8D%88%E1%8B%9F%E1%88%8D-%E1%8A%A5%E1%8A%93%E1%8A%90%E1%89%83%E1%89%83%E1%8B%8D-%E1%8A%A5%E1%8A%95%E1%8C%82

Comments

  1. የሰማይ ሀብት ብድር ድርጅት እኛ ብድርን በወለድ መጠን 0f 3% እንሰጣለን ፡፡

    መልካም ቀን ጌታ / ማ am.

    እኛ የግል ኩባንያ ነን እናም የብድር መጠንን ለመወሰን በዝቅተኛ ወለድ ብድሮችን እናቀርባለን ለቢዝነስ ልማት በ 1000 ዩሮ ብድር ከ 100 ሚሊዮን ብድር ድንጋጌዎች መካከል የጠርዝ / የንግድ መስፋፋት ተወዳዳሪነት ፡፡

    (የዋትሳፕ ቁጥር +79652625435)

    የተለያዩ ብድሮችን እናቀርባለን

    * የግል ብድሮች (ደህንነቱ የተጠበቀ እና ደህንነቱ ያልተጠበቀ)
    * የንግድ ሥራ ብድሮች (ደህንነቱ የተጠበቀ እና ደህንነቱ ያልተጠበቀ)
    * የማጠናከሪያ ብድር

    የቅድመ ክፍያ ክፍያዎች የሉም

    ይህንን ማስታወቂያ ለማንበብ ጊዜ ስለወሰዱ እናመሰግናለን ለበለጠ መረጃ እና ጥያቄዎች ዛሬ ለእኛ ኢሜል ይላኩልን

    skywealthloanfirm@gmail.com
    skywealthloanfirm@gmail.com
    skywealthloanfirm@gmail.com

    ወይዘሮ ሜሪ ሜሰን።

    ReplyDelete
  2. I am so delighted I found your weblog, I really found you by accident,
    And would just like to say thank you for a fantastic post and a all round entertaining blog (I also love the theme/design), HOW TO OBTAIN A FAKE CDL LICENSE THAT WORKS FROM THE DMV I don't have time to go through it all at the minute but I have bookmarked it and also added your RSS feeds, so when I have time I will be back to read a lot more, Please do keep up the excellent job.

    Y’all don’t forget to join this DMV EXPERTS TELEGRAM GROUP for more information about new drivers license and updated materials being used along the production process of the DL . You can also take advantage to learn and meet many Experts who will guide you on numerous techniques for anyone who love hacking and don’t know how to go about it .

    ReplyDelete

Post a Comment

Popular Posts

የሐዋሳ ሐይቅ ትሩፋት

የለበሰው ያደፈ ቁምጣና ሹራብ ከቅዝቃዜው አላዳነውም፡፡ ካፊያው ልብሱን አርሶታል፡፡ ሽው እያለ ከሐይቁ የሚነሳው ነፋስ የሚፈጥረው ቅዝቃዜ ያንቀጠቅጠዋል፡፡ የተጫማው ያረጀ ሲሊፐር እግሩን ከምንም አላዳነውም፡፡ በባዶ እግሩ የሚራመድ ያህል ጨቅይቷል፡፡ ተደባዳቢ ይመስል ፊቱ የተሞነጫጨረ ነው፡፡ ገና 12 ዓመቱ ቢሆንም፣ ቁመናው እንደ ትልቅ ሰው ግዙፍ ነው፡፡ የሚለብሰውን እንደ ልቡ ባያገኝም፣ የሚያስፈልገውን ነገር ለማሟላት ቤሳቢስቲን የሌላቸው ወላጆቹን አያስቸግርም፡፡ ከቤተሰቦቹ ጋር ከሚኖሩበት ታቦር ተራራ ጀርባ ወዳለው ሐዋሳ ሐይቅ ከወረደ እንኳንስ የራሱን የቤተሰቦቹንም የዕለት ጉርስ የሚሸፍንበት ገንዘብ አያጣም፡፡ የአስጎብኚነት ዕውቀት፣ ከሐይቁም ውስጥ ዓሳ የሚያጠምድበት መረብም ሆነ ፈቃድ የለውም፡፡ ሙሉቀን (ስሙ ተቀይሯል) እና ጓደኞቹ ሐይቁን ለመጎብኘት የሚሄዱ ጎብኚዎች በካሜራቸው ጥሩ ፎቶ እንዲያስቀሩ ድባቡን የማሳመር ሥራ ይሠራሉ፡፡ ካሜራውን ይዞ ቁጭ ብድግ እያለ ጥሩ ፎቶ ለማንሳት ጥረት የሚያደርግ ሲያዩ፣ ቆርጠው የያዙትን የዓሳ ሥጋ ይዘው ጠጋ ጠጋ ይላሉ፡፡ ቁርጥራጩን የዓሳ ሥጋ ምግብ ለሚቀሙት አባኮዳዎች ሻሞ ይላሉ፡፡ የተወረወረላቸውን ቀድመው ለመቅለብ አባኮዳዎቹ ክንፋቸውን እየመቱ ወደ ላይ ብድግ ይላሉ፡፡ የናሽናል ጆግሪፊ የፎቶግራፍ ባለሙያዎች ያነሱት ዓይነት ፎቶዎች ሳያስቡት ያነሳሉ፡፡ በሁኔታው ተደስተው ደጋግመው ድንቅ ፎቶዎችን ለመውሰድ ሲዘጋጁ እነ ሙሉቀንም አጀንዳቸውን ይፋ ማድረግ ይጀምራሉ፡፡ አቶ ዳዊት አብርሃም ‹‹አንዱን ዓሳ በአሥር ብር ገዝቼ ነው እንዲህ የማዘጋጀው፤›› በማለት በቅድሚያ  መረጃ ይሰጣሉ፡፡ ለቀጣዩ ዜና በዚህ መልኩ እንዲዘጋጁ ካደረጉ በኋላ፣ ሌሎች ሰዎች መቶም ሁለት መቶም ብር እንደሚሰጧቸው ቀለል

ፓርቲው ምርጫ ቦርድ ከተፅዕኖ ነፃ ሳይሆን የምርጫ ጊዜ ሰሌዳ ማውጣቱን ተቃወመ

የመንግሥት ስልጠና የምርጫ ቅስቀሳ አካል ነው ብሏል  የምርጫ ጊዜ ሰሌዳ ለምን ወጣ መባሉ ተገቢ አይደለም - ምርጫ ቦርድ ምርጫ ቦርድ ከኢህአዴግ ተፅዕኖ ሙሉ ለሙሉ ነፃ መሆኑ ሳይረጋገጥና የምርጫ አፈፃፀም ችግሮች ሳይወገዱ የምርጫ የጊዜ ሰሌዳ ለማወጅ መዘጋጀቱ ተገቢ አይደለም ሲል ፕ/ር በየነ ጴጥሮስ የሚመሩት ኢማዴ-ደህአፓ ተቃወመ፡፡ መንግስት፤ የዩኒቨርሲቲ መምህራንና ተማሪዎችን ጨምሮ ለተለያዩ የህብረተሰብ ክፍሎች እየሰጠ ያለው ስልጠና የምርጫ ቅስቀሳ አካል ነው ሲልም ፓርቲው ኮንኗል፡፡  የኢትዮጵያ ማህበረ ዴሞክራሲ ደቡብ ህዝቦች አንድነት ፓርቲ ሰሞኑን ለብሄራዊ ምርጫ ቦርድ ባስገባው ግልፅ ደብዳቤ፤ ያለፉት አገር አቀፍና የአካባቢ ምርጫዎች ከመካሄዳቸው በፊት በምርጫ ችግሮችና መፍትሄዎቻቸው ዙሪያ ኢህአዴግ ከተቃዋሚዎች ጋር የሚወያይበት መድረክ እንዲዘጋጅ በተደጋጋሚ ብንጠይቅም እስካሁን ከቦርዱ የተሰጠ ተግባራዊ ምላሽ የለም ብሏል፡፡  ሃገሪቱ “በአንድ አውራ ፓርቲ” ብቸኛ ቁጥጥር ስር መውደቋ አደገኛና አሳሳቢ ነው ያለው ፓርቲው፤ የመድብለ ፓርቲ ስርአት የመገንባት ተስፋችን ጨርሶ እንዳይከስም ቦርዱ ሃላፊነቱን መወጣት እንዳለበት አሳስቧል፡፡ ነፃና ፍትሃዊ ምርጫ የሚካሄድበትን ሁኔታ ለመፍጠር ገዥው ፓርቲና ሃቀኛ ተቃዋሚ ፓርቲዎች የሚወያዩበት መድረክ እንዲያመቻች በህግ ስልጣን የተሰጠው ምርጫ ቦርድ የገባውን ቃል በማጠፍ መድረኩን ሳያመቻች የምርጫ ጊዜ ሰሌዳ ማዘጋጀቱ ፋይዳ የለውም ብሏል - ፓርቲው፡፡  ገዥው ፓርቲ ኢህአዴግ በተሻሻለው የምርጫ ህግ፣ ለቦርዱ የተሰጠውን የፖለቲካ ፓርቲዎች የጋራ መድረክ የማስተባበር ስልጣን ለመቀማት ታማኝ ፓርቲዎችን በተቃዋሚ ስም አሰባስቦ “የፖለቲካ ፓርቲዎች የጋራ መድረክ” በመፍጠር የምርጫ ውድድር አሯሯጭ አሰልፏል ሲ

የ10ኛ እና የ12ኛ ክፍል ማለፊያ ነጥብ ውጤት ነገ ይፋ ይሆናል

አዲስ አበባ ፣ ነሃሴ 23 ፣ 2005 (ኤፍ ቢ ሲ) የ10ኛ ክፍል ማጠቃለያና የ12ኛ ክፍል መሰናዶ ማለፊያ ነጥብ ውጤትን ነገ ይፋ እንደሚያደርግ የትምህርት ሚኒስቴር አስታወቀ። የዩኒቨርስቲ መግቢያና ወደ መሰናዶ ማለፊያ ነጥብን ለመወሰን  ፥ የዩኒቨርስቲዎችን ቀጣይ የመቀበል አቅም ከግምት ውስጥ በማስገባት መወሰኑንም ነው ሚኒስቴሩ የገለጸው። በአጠቃላይ 548 ሺህ 138 ተማሪዎች የ10 ክፍል ማጠናቀቂያ ፈተናውን ወስደው 70 በመቶዎቹ 2 ነጥብ እና ካዛ በላይ ውጤት ሲያስመዘግቡ ፥ በተመሳሳይም የ12ኛ ክፍልን የዩኒቨርስቲ መግቢያ ፈተናን ከወሰዱት መካከል 70 በመቶ የሚሆኑት ተፈታኞች ከ350 ነጥብ በላይ ውጤት ማስመዝገባቸውን ቀደም ሲል  የሀገር አቀፍ የትምህርት ምዘናና የፈተናዎች ኤጀንሲ አስታውሷል ። በነገው እለትም የሁለቱም ፈተናዎች የመቁረጫ ውጤት ይፋ ይደረጋል ተብሏል።